تحدث المستشار مرتضى منصور رئيس نادي عن سياسة قناة الزمالك خلال الفترة المقبلة، موضحًا الأسباب التي دفعته للإعلان عن خوض انتخابات رئاسة الزمالك .
وكان مرتضى منصور خلال اجتماعة مع أعضاء الجمعية العمومية للنادي عن نيته الترشح على رئاسة نادي الزمالك خلال الانتخابات المقبلة
وقال “مرتضى” :” حتى الآن أنا رئيس مجلس إدارة قناة الزمالك، ولو القناة متصلحش هنعمل قناة جديدة للزمالك بجد”.
وأشار :” احنا جربنا كل الناس في الانتخابات مرتضى وغيره .. هو ممدوح عباس ليه محجزتش على ولا مليم في النادي في وجود اللجنة عشان هو اللي جايبها”.
وأضاف :”مرتضى” :” قبل ما المجلس يرجع كان في اجتماعات مع الوزير قولتلهم لو طبقتوا اللائحة الاسترشادية الانتخابات باطلة والانتخابات لازم تتم باللائحة المعتمدة من الجمعية العمومية عشان كدة التأخير”.
وتابع :”الانتخابات هتتعمل على 3 أيام عشان كورونا حتى لو طبقت الاسترشادية وممنوع أي دعاية انتخابية داخل النادي لأي مرشح أنا هسلمك بيانات الأعضاء وانت اتعامل معاه خارج النادي”.
ووجه “مرتضى” حديثه لـ أعضاء الجمعية هل انزل الانتخابات ؟ ورد المتواجدين اه”.
وكشف “مرتضى” :” انا كنت واخد قرار أنا والاسرة اني منزلش انتخابات بس لأ انا نازل انتخابات، وعاملين قائمة محترمة فاضل فيها مكان أو اتنين واللي مش عايز ينتخبني مينتخبنيش”.
