رد ناري من مرتضى منصور على منتقدي يافطة رضا عبد العال داخل الزمالك – فيديو
دافع المستشار مرتضى منصور رئيس نادي الزمالك عن قرار إدارة نادي الزمالك بوضع اسم رضا عبد العال نجم الزمالك السابق على احد الحدائق داخل قلعة الفارس الأبيض.
وكان مجلس إدارة الزمالك قرر في وقت سابق وضع اسم رضا عبد العال على إحدى الحدائق داخل النادي تكريمًا له
وقال “مرتضى”: “بعض المواقع اللى بتتكلم على رضا عبد العال، واليافطة بتاعتة في النادي، واللى دافع عن شرعية المجلس في الوقت اللى فاروق جعفر وأيمن يونس وحازم إمام وغيرهم كانوا فرحانين إن المجلس الشرعي مشى وتعاونوا مع اللجان الموجودة”.
وأضاف “مرتضى” رضا عبد العال كان بيدافع عن مجلس شرعي مش علشان مرتضى منصور، ورضا عبد العال ممشيش من الزمالك بمزاجة، رؤوف جاسر وقتها قاله الباب يفوت جمل ويلا من هنا”
وتساءل “مرتضى” خلال فيديو نشره على صفحته على مواقع التواصل الاجتماعي :” هل مخدتوش بالكم ان فيه هنا صالة باسم الشهيد أحمد منسي اللى اتعمل علشانة مسلسل الأختيار والعالم العربي كله كان يتفرج عليه كل يوم”.
وأكد :” ده يعد تكريم لكل شهيد مصري ضحى بروحة علشان احنا نعيش المنسى كان بطل شجاع دافع عن حياتنا كلنا واللى قتله نجل واحد كان شغال في النادي وقت اللجان السابقة”.
كما عرض مرتضى منصور خلال الفيديو حمام سباحة يحمل اسم الشهيد محمد مبروك شهيد قوات الشرطة والذي ظهر في مسلسل الأختيار
وأوضح ” مرتضى” :” الناس سابت تكريم المجلس للشهداء من الجيش والشرطة ومسكت في رضا عبد العال وكأنه يهودي أو جاى من إسرائيل”.
شاهد:
