رسائل نارية من مرتضى منصور بعد تقدمه بأوراق ترشحه في انتخابات الزمالك – فيديو
تحدث المستشار مرتضى منصور رئيس نادي الزمالك على انتخابات الزمالك المقبلة وذلك بعد تقديم أوراق ترشحه رفقة قائمته قبل دقائق من غلق باب الترشح بشكل رسمي في السابعة مساء اليوم الثلاثاء.
وقال “مرتضى” :” اللى هيخرج عن الإطار واولهم انا سيتم محاسبته، والناس اللى بتقول الانتخابات باطلة عندنا اكتر من 70 اسم متقدم، وعملنا زى ليبيا كل واحد بيرشح نفسه على منصب الرئاسة”.
وأوضح “مرتضى” :” قولنا للوزير ياريت الانتخابات تكون على 3 ايام علشان التكدس، عندنا 400 ألف عضو في الجمعية العمومية، ولو كانت يوم واحد مفيش حد تقريبا هيصوت في الانتخابات والموضوع مش عند وملوش علاقة بالعند أو اللائحة الاسترشادية”.
وأضاف “مرتضى” بعد تقدمه بأوراق ترشحة في الانتخابات :” من المتوقع حضور جماهير كبير في الانتخابات، عايزين نحافظ على الأعضاء في عملية التصويت”.
ووجه مرتضى منصور نداء الى الجهات المعنية بالموافقة على إجراء الانتخابات على ثلاثة أيام قائلا : “عايزين الانتخابات على تلات ايام خميس جمعة وسبت”.
وتابع :” نص المتقدمين في المرشحسين جايين من عند ممدوح عباس اللى بيطعن على صحة الانتخابات، وإجراءات الانتخابات تم مراجعتها من قبل وزارة الشباب والرياضة ومديرية الشباب والرياضة وتم نشرها بناءًا على ذلك”.
وتحدث مرتضى منصور عن محاولة ممدوح عباس الطعن على إجراءات الانتخابات قائلا :” أول مرة أشوف هذه الذكاء المفرط من شخص مش عايزني اكون موجود في النادي وفي نفس الوقت بيطعن على الانتخابات وده معناه ان المجلس بتاعى هو اللى هيكمل في النادي، ومش فاهم عايز ايه من النادي”.
وواصل “مرتضى” :” هاني العتال احترم نفسه ومقدمش في الانتخابات ويشكر على كده، واللى بيحترم نفسة يبعد عن النادي الفترة دي”.
وعلق مرتضى على ترشيح عمرو أدهم عضو اللجنة السابقة في الانتخابات قائلا :” الدكتور حسام المندوه احترم نفسه ومنزلش، لكن مين عمرو أدهم اللى قدم أوراق ترشحه ده ومحدش يعرف يمكن يكتسح الانتخابات دى رغم ان كان في اللجنة اللى سابت النادي على الصفر”.
وأكد “مرتضى” :” مجلس الإدارة لن يعترض على أوراق أي مرشح حتى لو كان ورقة غير سليم، واللى بينى وبينهم الجمعية العمومية، وهشام نصر ممكن يخرج من الانتخابات لانه عنده عقوبة رياضية دولية بالإيقاف، ومع ذلك مش هنطعن على أوراق ترشحه، لانى مش عايز اعمل من حد بطل من ورق”.
واستطرد :” الوزير كلمنى النهاردة وشكرني على الإجراءات بتاعة الانتخابات، والفيصل هو الجميعة العمومية، واللى عايز يشيل الشيلة يتفضل، وعندنا في شهر يناير مطلوب من النادي 120 مليون مستحقات عقود اللاعبين، ومفيش منها مليم، وانا وجهت بصرف مستحقات اللاعبين”.
وأختتم “مرتضى” حديثة :” فيه واحد كان ليه تسجيل شتم فيها كل رموز الزمالك السابقين خلال مكالمته مع صحفي في الشروق، وهمنع فكرة انى اقول للاعضاء على التعليمات اللى كنت دايما بقولها كل خميس وجمعه عشان انا حاليا مرشح”.
شاهد:
