عقد المستشار مرتضى منصور رئيس نادي الزمالك مؤتمر مع أعضاء الجمعية العمومية في ظهوره الأول داخل نادي الزمالك من أجل ممارسة عمل المجلس.
وتحدث “مرتضى” مع أعضاء الجمعية العمومية عن عدد من الملفات الهامة المتعلقة بأمور النادي وسياسية المجلس خلال الفترة المقبلة.
وقال “مرتضى “:” معنديش واحدة ابنها مش هيلعب في قطاع الناشئين عشان هي مش حلوة .. انا مش بصفي حسابات انا بصفي وساخات”.
وأضاف “مرتضى” :” الأخ ميدو زعلان وبيقول متهنش المرموز، وبسالة هل مرتضى منصور رمز للنادي ولا شغال ايه، ومش انت طلعت في البرنامج عندك وقلت يستاهل اللى يحصله علشان اللى عمله مع الأهلي واللجنة الاولمبية”.
وتابع :” مش أيمن يونس راح جرى على اللجنة المعينة بعد رحيل المجلس، هو وفاروق جعفر، وحسين السيد”.
ووجه “مرتضى” حديثة لـ “ميدو” قائلا :” قولى حسن شحاتة كلمنى كام مرة السنة اللى فاتت وسأل عليا، دول مش رموز الرموز ماتت أو تعبانة”.
وأكمل “مرتضى” :” كل اللي اتظلموا هيرجعوا أماكنهم تاني، مينفعش عيل يتخرج من سنتين بياخد ٢٥ ألف جنيه وواحد بقاله ٢٠ سنة بياخد ٣ آلاف جنيه ده ظلم .. ازاي واحد مرتبه يبقى ٧ آلاف ياخد ٣٠ ده انا السكرتارية بتاعتي على حسابي الخاص”.
وبخصوص كارنيهات الأعضاء قال “مرتضي” :” من يوم الاثنين هنبدأ نوزع من ١ الى ٣٠ الف واللي مش معاه كارنيه مش هيدخل النادي .. اللي عليه فلوس هنقسط فلوسه تيسيرا له وهنلغي القيمة المضافة”.
واختتم “مرتضى” :” مستر إكس لا يموت، واللي شوفته في حياتي محدش شافه، وكنت قاعد مع وزير قبل كدة وقالى لو جبل كان وقع عشان كدة بقول للناس اوعى تيأس من رحمة الله”.
