ملخص تصريحات مرتضى منصور عن انتخابات الزمالك ورسائل نارية للخطيب ولبيب – فيديو
نشر المستشار مرتضى منصور رئيس نادي الزمالك فيديو جديد تحدث من خلاله عن العديد من الملفات الهامة التى تخص القلعة البيضاء، وأهمها ملف انتخابات النادي المقبلة
وعلى الرغم من إعلان رئيس الزمالك عن الضوابط المنظمة للانتخابات المقبلة، إلا أنه تجاهل إعلان موعد الانتخابات
وتخلى “مرتضى” خلال الفيديو عن حالة الهدوء التى اتسم بها منذ عودة مرة اخرى لرئاسة الزمالك، وقرر هذه المرة فتح النار على الجميع وتوجيه رسائل نارية لكافة الجهات.
ويرصد” زمالك نيوز” أبرز رسائل المستشار مرتضى منصور خلال الفيديو الجديد والتى جاءت كالتالي:
– بقول للناس اللى طلبت منى إن الدنيا تكون هادية مينفعش الدينا تكون هادية من ناحية واحدة والتانية لا
– احنا مش بنهرب من الانتخابات وأنا موجود رئيس نادي من 2005، و معندناش أزمة خالص في الانتخابات
– الدعوة للانتخابات يوم 20 ديسمبر وفتح باب الترشح 21 ديسمبر لمدة سبعه أيام من الساعه التاسعه حتى السابعه
– طوال فترة الانتخابات لن يسمح لرئيس النادي أو نائبة الحالي، وغيرهم بعمل أي دعاية داخل النادي
– الدعاية الانتخابية ستكون من خلال رسائل على أرقام أعضاء الجمعية العمومية
– الانتخابات ستكون تحت إشراف قضائي، وستجرى بشفافية تامة
-بقول للخطيب عند 7 أو 8 أشخاص عاملين قنوات مخصصة شتيمة في النادي والمجلس، وبالتالى المجلس هيضطر يرد
– بقول للكابتن الخطيب قول للدولة تلم العيال دى، ومينفعش العيال دي تطلع تقول إشاعات كاذبة علينا واحنا نسكت
– القضية المرفوعة على الخطيب ملهاش علاقة بسب عرض الخطيب كما أعلن المحامي الخاص به، ولا تمنعنى من الترشح على انتخابات الزمالك
-بلغت الاستاذ هاني زادة وعلاء مقلد من شهرين انهم مش معايا في القائمة، لأسباب احتفظ بها لنفسي
– بقول لحسين لبيب انت بعت لاعبين بإجمالي 96 مليون، و 720 ألف، و40 جنية، وهعمل مؤتمر صحفي للرد على بيان اللجنة
– على الرغم من إيقاف القيد اللجنة السابقة تخلت عن أفضل اللاعبين داخل النادي مجانًا، وده بسبب تعمد اللجنة “تخريب” النادي قبل رحيلها
– هل يعقل أن قناة الزمالك مقلتش مبروك لعودة المجلس، وكل ده هيتصلح قريب، ولو المسؤولين على القناة واخدين موقف يشيلوا أيديهم
– أي حد اتشطب واللجنة السابقة رجعتة، بقوله لا، اللى بيرجع العضويات المشطوبة هو مجلس الإدارة
– معندناش أزمة نعمل الانتخابات على أي لائحة ” والدكر ينزل الانتخابات” واحنا فوتنا الموضوع ده علشان معندناش مشكلة
– الباب مفتوح أمام أي حد حابب ينزل الانتخابات، وده مش حكر على مرتضى أو أي حد تاني، ومش هنعمل من الورق أبطال
شاهد:
