بسبب حفيظ الدراجي.. عمرو أديب يوجه رسالة للشعب المصري – فيديو

بسبب حفيظ الدراجي.. عمرو أديب يوجه رسالة للشعب المصري - فيديو

اندهش الإعلامي عمرو أديب، مقدم برنامج الحكاية عبر قناة إم بي سي مصر، بسبب حالة التشاؤوم التي تلازم الشعب المصري قبل مباراة الكوت ديفوار في كأس الأمم الأفريقية.

وقال عمرو أديب، لا أعارض توجيه انتقاد للاعبي المنتخب لكن يجب تشجيعهم من الآن، متسائلًا: “مش فاهم ليه بتعملوا كده مع اللاعيبة قبل المباراة؟، ما نقف معاهم ونشجعهم بدل ما نحبطهم”.

وواصل، ” كلنا شوفنا مباراة الجزائر مع الكوت ديفوار، وشوفنا المعلق حفيظ دراجي اللى كان بيعلق كان متعاطف مع بلده جدا لدرجة انه قال إن الجزائر مخسرتش البطولة هي اللى خسرت ان الجزائر خرجت، وقال عايز استقبال الأبطال للجزائر اللى مغلوبة 3 وممكن كانت تبقى 4 و5 واتغلبت ماتشين واتعادلت ماتش”.

وأضاف: “ازاي بنهاجم منتخبنا واحنا كسبانين وصاعدين امال لو مغلوب كنتوا عملتوا ايه، تكسير مقاديف من الدرجة الأولي، ويقولوا هو صلاح بيلعب خالص ده خايف علي نفسه والمدرب هيفضل شغال بعبدالله السعيد، والماتش هيبدأ الساعة 6 واستنوهم الساعة 4 الصبح، طيب حطوا نفسكم مكان اللاعيبة”.

وتابع عمرو أديب: منتخب الجزائر عنده رياض محرز إحنا عندنا 100 رياض محرز، عندنا صلاح وحجازي وعبد الله السعيد، كان زمان بنشوف أغاني تعد خصيصًا لتشجيع المنتخب المصري خلال بطولاته وتحميس لاعبيه، وده ماتش وارد نتغلب ووارد أيضا نكسب وفي كل الأحوال لازم نقف ورا منتخبنا لأن هيا دي الكورة.

واستطرد:”استنوا عليهم لما يتغلبوا وبعدين ابقوا قطعوا، انا مش قادر افهم ازاي بتقطعوا في اللاعيبة قبل لما تلعب، اقفوا جنبهم واعطوهم ريق حلو”.

وأتم، “اشمعنا الجزائريين كده وأنتوا انهزاميين كده.. أحنا هنلعب بعد كام يوم وأنت بتعمل في لعيبتك كده.. ادوهم ثقة.. انتوا الجمهور”.

شاهد :-

 

تعليقات الزوار
close
Share via
Copy link
Powered by Social Snap