إبراهيم حسن في رسالة نارية لـ كيروش :”انت من البرتغال ومصر أهم من بلدك” – فيديو

واصل إبراهيم حسن مدير الكرة في نادي الاتحاد السكندري هجومه الحاد على البرتغالي كارلوس كيروش المدير الفني للمنتخب الوطني، بسبب أداء المنتخب خلال بطولة كأس الأمم الإفريقية.

وقال “ابراهيم حسن” : “احنا لو سجلنا 4 أهداف كان الأمر عادي ! احنا منتخب مصر، الناس فاهمه ان المنتخب النهاردة كسب بس ده مش منتخب مصر”.

وأشار :”كيروش معملش حاجه اصلا النهاردة حظه حلو أصلا الأداء هو هو، والجون الي اتلغي لو كان احتسب كان كيروش مشي”.

وأضاف “حسن” في تصريحات لقناة “الحدث اليوم” :” انت ماسك منتخب مصر وانت مش مصري ولا مواطن مصري عشان تشد مع الجمهور المصري انت كنت شغال في إيران هل انت تقدر ترفع عينك في وش المنتخب الايراني ؟ لما كنت شغال في السعودية كنت تقدر ترفع عينك في الجمهور السعودي ؟”.

وواصل “حسن” هجومه على “كيروش” قائلا :” المفروض تحترم الناس والمصريين عايزين يشوفو كورة متطورة وزعلانين لازم تتعامل مع المصريين بطريقة كويسة انت جاي بلد مش اي بلد”.

وواصل :” انت من البرتغال جاي لعقلية اللي اخترعت كل حاجه قبل ما شعبك يشوف الدنيا ويشوف الحياة ومش جاى بلد فيها جهل او أول مرة تشوف الكرة لازم تتعامل مع الناس بإحترام “.

شاهد: