الرباط الصليبي منعه من الرحيل عن الأهلي.. شقيق أكرم توفيق يفجر مفاجأة بخصوص عروض احترافه

تحدث عبدالعزيز توفيق شقيق أكرم توفيق جناح النادي الأهلي عن تفاصيل إصابته وحالته النفسية، بعد إصابته في مواجهة منتخب مصر أمام نيجيريا في افتتاح مشوار الفراعنة في بطولة دوري أبطال أفريقيا.

وقال “توفيق” :” انصدمنا كلنا بعد الوقعة ومكنش يعرف انها هتوصل لصليبي وحجزوا في مركز اشعه وأظهرت إصابته، وعيلتنا كلها عندها اصرار وعزيمة ومقتنعين بقدر ربنا”.

وأشار :”أكرم جسمانيا وعضلاته هتساعده يرجع بسرعة، وأكرم ممكن يرجع بعد 3 أو4 شهور وهو الناس كلها بتحبه سواء منافسين أو جمهوره لأنه متدين ويعرف ربنا وان شاء الله يرجع تاني بسرعه”

وأضاف “توفيق” في تصريحات لبرنامج “جمهور التالتة” على قناة “أون تايم سبورت 2 “: “اتصدمت من وقعته ويحسسك انه رباط صليبي بعد الماتش كان ماشي عادي أكرم ثبت نفسه للناس كلها وعارفين مين هو أكرم توفيق”.

وتابع :” هو راجع مصر بكرة وبنسبة 90% هيعمل العمليه بـ المانيا، وعن حالته النفسية قال “توفيق” :” هومتضايق، وزعلان انه وصل لفورمة عالية وكان بيفكر ان بعد البطولة يجيله عقد احتراف كويس وكان في عروض كتير ليه وعلشان كده متضايق|.

وفجر “توفيق” مفاجأة حول العروض الاحترافية للاعب قائلا :” جايله فرق أسماء تخض وهي فرق كبيرة بإنجلترا من اول جدول الدوري من 1 لـ5 في الترتيب والاهلي عارف العروض وكان نفسنا يكمل المشوار”.

وأكمل :”مع احترامي علشان ده مبيلعبش هنا لكن مفيش روح طارق حامد فين أفشه فين محمد شريف مكسر الدنيا في الأهلي مش بيلعب ليه مهاجم، وماتش كان غريب وتوقعت اننا خسر ونلعب وحش كنا ممكن نتعادل واحنا مروحناش على الجول”