تحدث طارق يحيى نجم الزمالك السابق على تعامل مجلس المستشار مرتضى منصور مع الأزمات المختلفة داخل الفريق الأول، مشيرًا إلي أن المجلس الحالي لديه القدرة على تكوين فريق قوى للزمالك
وقال ” يحيى” :” دايما بقول الزمالك مبيقفش على حد وبالذات مع الإدارة الموجودة لانهم ناس جامده، وانت مكنش عنده تيم من سنتين تلاته وكونت فريق قوي وتعاقدت مع لاعبيبة مميزة”.
وأضاف “طارق” خلال استضافته في برنامج “ملعب أون” على قناة “أون تايم سبورت” :”الإدارة الموجودة بتقدر تعوض، و الكلام والرغي كتير ما تسيب الناس تشتغل لان الناس عارفين قيمة الزمالك وقبل تجميد المجلس كان عندك مجموعة لعيبة حافظت عليهم وزودت عليهم”.
وأكد “يحيى” :” أي لاعب يتعوض في اكتر من حسن شحاته واعتزل مع احترامي. له، والزمالك لا يقف على حد، أنا مطمن إن الإدارة الموجودة هتحل كل الأزمات وكل لما بيجتمعوا مع اللاعبين بيحلوا كل المشاكل”.
وتابع :” شيكابالا اللي حل مشكلته في البداية كان مرتضى منصور وكل حاجه ممكن تتعدل، وعبد الشافي لما قال للمستشار مرتضى إن فيه لعيبة كانت معنا وماخدتش مكافأة الدوري وافق على طول”.
واختتم ” يحيى” :” طول ما في حد ياخد قرار الموضوع سهل لكن اللجان بتكون ضعيفة، ومتأكد إن المستشار مرتضى وأمير هيحلوا مشكلة شيكابالا”.
