تحدث عمر صلاح حارس مرمى نادي سموحة والزمالك السابق عن كواليس رحيله عن الفارس الأبيض، مشيرًا إلي أنه يتمنى العودة مرة أخرى إلى الزمالك خلال السنوات القادمة.
ومن جانبه قال ” عمر” :” اتظلمت في الزمالك وشيلوني ليلة مش بتاعتي غلطة في ماتش الجونة شيلوني خسارة الدوري كله وده ماتش واحد بس لعبته منكرش ان اتحمل ولكن متحملش الليلة”.
وأشار :” فيه ناس كتير يشيلوا معي انا شيلتها لوحدي وزعلان إن مشيت من الزمالك كده قعدت في الزمالك 14 سنة وتعبت كتير على الاقل لو امشي كنت امشي بطريقة اشيك”.
وأضاف “صلاح” خلال استضافته في برنامج “ملعب أون” على قناة “أون تايم سبورت” :” كلموني في الفون سموحة عاوزينك شوفهم واتكلم معهم ومروحتش النادي والمفروض أوقع على مستحقاتي موقعتش”.
وأوضح “عمر” :” لي مستحقات في الزمالك ومبفكرش فيها لان الزمالك افضاله علي كتير والسبب في كل اللي انا فيه، وانا في نادي كبير حاليا”.
وأكد ” صلاح” :”عندي حلم ارجع الزمالك، وأنا اتربيت فيه ولي أهداف وطموحات ومش هرجع إلا لما العب، أنا لسه بدري عندي 24 سنة وبدأت بدري وفي نادي كبير”.
