تعليق ناري من ميدو بعد هزيمة غزل المحلة.. دي مش مهام أمير مرتضى.. الزمالك عايز مدير كرة جامد – فيديو
فتح أحمد حسام ميدو نجم نادي الزمالك النار على لاعبي الزمالك بعد خسارة الفريق أمام غزل المحلة في كأس الرابطة
وقال “ميدو” :” من الواضح أن بعض لاعبي الزمالك لا يشعرون بنعمة ارتداء القميص الأبيض”.
وأشار :”من الواضح أن الهدف من مباريات كأس الرابطة بالنسبة لـ كارتيرون هو انه يحرق بعض اللاعبين قدام الجمهور بعد صداع بعضهم بسبب عدم المشاركة”.
وأضاف “ميدو” خلال تقديمه حلقة جديدة من برنامج “الريمونتادا” على قناة “المحور” :” هذا الأمر فيه جانب سلبي لأنه في النهاية هيحتاج اللاعبين دول فيما بعد، خاصة مع ضغط المباريات طوال الموسم”.
وتابع :” هذ الأمر فيه مخاطرة كبيرة من كارتيرون فكرة انك تبيع اللاعبين دول قدام الجمهور، ولى عتاب عند اللاعبين، بقولهم اعرفوا كويس انكم بتلعبوا في الزمالك”.
ووجه “ميدو” رسالة إلى لاعبي الزمالك قائلا :” لما بتلبس تيشرت الزمالك انت بتمثل 60 أو 70 مليون زملكاوي في مصر والوطن العربي، وعيب تتغلب 3 على ملعبك وفعلا فيه لاعيبة كتير منكم مستحقش أنها تلعب في الزمالك “.
شاهد:
وأكمل :” متفق مع القرارات اللى طلعها بقول اللاعبين في الموقف ده يتخصم منه فلوس، لكن لازم تتحسب بنسبة من العقود لأن اللاعبين عقودهم مش واحدة، واتمنى من المستشار مرتضى منصور أنه يعيد صياغة العقوبات اللى طلع النهاردة”.
وأستطرد :”لازم نفرض على كارتيرون يكون فيه مدير كرة واحدة من أساطير الكرة القدامى في الزمالك، وده مالوش علاقة بدور امير مرتضى منصور اللى هو شغال مشرف عام على فريق الكرة”.
وأختتم “ميدو” :” الفوز بالدوري غطي على حاجات كتير منها ان مفيش مدير كرة في النادي، وانا بقول ان فيه لاعبين في الزمالك بيمثلوا عبء على خزينة النادي ومفيش أي استفادة فنية منهم”.
شاهد:
