علق التوأم حسام وإبراهيم حسن على فوز المنتخب المصري على نظيره كوت ديفوار في الدور الـ 16 من بطولة كأس الأمم الإفريقية والصعود لمواجهة المغرب في ربع نهائي البطولة.
وأكد حسام حسن أنه ينبغى عدم المبالغة في إظهار حالة الفرح بعد الفوز على منتخب كوت ديفوار مؤكدًا أن المنتخب يملك تاريخ كبير يمكنه من الفوز بالبطولة
ومن جانبه قال “حسام حسن” :” الطبيعي أن المنتخب المصري يصل للدور ده في البطولة، ومفيش داعى لحالة الفرح الموجودة، لأن اللاعبين لازم تعرف اننا لسه معملناش حاجة، احنا ابطال افريقيا 7 مرات”.
وأضاف “حسام” خلال استضافته في برنامج “اللعيب” على قناة “mbc” مصر :” البطل دايما ساعة النصر تكون فرحته بحدود، ومن بعد العشاء لازم يتم تهيئة الفريق للمباراة الجاية”.
ومن جانبه قال “إبراهيم حسن” :” المنتخبات عارفاك لكن انت اللي مش عارف نفسك، كوت ديفوار شافك وقلقان من مصر وابتدى المباراة شافك هل هتكون زي الـ 3 ماتشات ولا غير”.
وأشار :” المبادرة كانت من عندنا لما بتحترم التي شرت واسمك واسم بلدك في بطولة زي كاس الامم الناس تحترمك وتقدرك، والمغرب عارفين ان في منافسة وبتوصل لهم رسالة ايجابية وسلبية وهيبقوا مركزين ومفتحين عينهم اكتر”.
وأكد :” الناس بتتكلم للصالح انا اتفرجت على كل البرامج وكله بيتكلم زعلانين من الأداء لكن انت كنت زي الفل ولو كنت خرجت كنا هنشيد”.
واختتم “إبراهيم” :” وحالة الاستنفار لازم تستمر وأيا كانت النتيجة أمام المغرب بنحييك والمهم اسم مصر”.
شاهد:
