تحدث خالد الغندور مقدم برنامج “زملكاوي” على قناة “الزمالك” على أزمة قيد اللاعبين داخل النادي خلال الفترة الحالية، مشيرًا إلي أن الجمهور يتعامل بالعاطفة في ملف التجديد مع اللاعبين.
وقال “خالد”: “لما يوصل اللاعب لسن 34 أو 35 ممكن تكريما له اخلي يكمل لكن مش هياخد اد لاعب صغير في السن، اللاعب بيبحث عن مصلحته قولا واحد والصراع الموجود ليه لعيبة مصر لا تأتي لها عروض من أندية أوروبية ويذهب للخليج”.
وأشار :”في لعيبة بتلعب في توتتهام بتاخد نفس، مبالغ لعيبة في مصر وفي لعيبة بتلعب في الدوري الإنجليزي بتاخد أقل من لعيبة بتلعب في مصر”.
وأضاف “الغندور” :” خلال تقديمه حلقة جديدة من برنامج “زملكاوي” على قناة “الزمالك” : ” لا يوجد في القارة الأفريقية بما فيهم الدوريات العربية يعطي نص المبالغ اللي بياخدها اللاعب هنا ألا نجوم كبار”.
وتابع :”اللي خلى دول المغرب العربي لاعبيتهم تتوجه لمصر علشان المقابل المالي كبير احنا بنعطي فلوس لا يستطيع أحد أن يعطيها، وانا عندي 11 لاعب في الزمالك نجوم كبار”.
وواصل ” الغندور” :” أشرف بن شرقي لاعب كبير، وطارق حامد من نجوم مصر والزمالك، وعندنا واحد كابتن في الزمالك واتربى في الزمالك حازم إمام والمحترم عبدالشافي لاعب خلوق ومهم وسيسيه ومصطفى فتحي وأواناجم وعمر السعيد”.
وتحدث “الغندور” عن أزمة القيد في الزمالك قائلا :”لأول مره يمر على الزمالك وهو ممنوع من القيد، وبكره ذكرى تأسيس الزمالك 111 سنة ولأول مرة من 111 سنة الزمالك لا يستطيع قيد لاعبي”.
وأضاف :” لأول مرة في تاريخ الزمالك يأتي موسم تنتهي عقود أكثر من 14 أو 15 لاعب، ومفتكرش إن جه موسم في هذا العدد محتاج تجديد، وانت كجمهور بتتعامل مع اللاعب بعاطفة وانت كلاعب هتتعامل مع النادي بعاطفة ولا احترف، واللاعب أول حاجه تهمه مصلحته”.
وعن تجديد عقد بن شرقي قال ” الغندور” :” لو أشرف على مدار 4 شهور كان فية قعدات معه من ايام عماد عبدالعزيز مرورا بحسين لبيب للمستشار مرتضى ومفيش جديد في أمر تجديد بن شرقي”.
وأوضح “ممكن ليس له رغبة في البقاء في مصر، والوحيد اللي ممكن ينافس الزمالك في ضمه الأهلي، ولوراح هياخد مبلغ اكترعلشان الارتباط بالجمهور والعاطفة، وهل ده متاح وفي رجال أعمال ممكن تتدخل”.
واختتم “الغندور” :”سهل تروح الخليج وتاخد فلوس كتير 3 أو 4 شهور ومستواك يتراجع وشايفين مثال ساسي أخطئ اليوم وبيقدم اسوأ ايام ساسي مع منتخب بلاده مش متخيل انه يتم استبعاده بعدما أحرز هدف في كأس العالم”.
