رسالة نارية من ميدو لـ مرتضى منصور عبر قناة الزمالك بشأن ملف تجديد اللاعبين – فيديو

وجه أحمد حسام ميدو نجم نادي الزمالك نصائح خاصة إلى مجلس إدارة النادي والجماهير بشأن ملف تجديد عقود اللاعبين خلال الفترة المقبلة، مشيرًا إلي ضرورة تواجد شفافية مع الجماهير في ملف التجديد

وقال “ميدو” :”تواجدي في قناة الزمالك شرف لي ووجودي في أي مكان وارتباطي بالزمالك شرف لنا كلنا، وكان في بعض المشاكل الصغيرة مع المسئولين عن بعض القنوات وحاليا أصبح الوضع جيد، وسعيد بالطفرة اللي عملتها الشركة المتحدة في الإعلام الرياضي”.

وأكد “ميدو” خلال تصريحات لبرنامج “زملكاوي” على قناة “الزمالك” :”سعيد إن أول مداخلة لي في قناة الزمالك تكون مع الكابتن التاريخي للزمالك، وهنصح ولاد الزمالك متفرطوش في حق الزمالك وحقكم نصيحة لاخواتي الكبار والصغيرين متفرطوش في حق الزمالك مش تسيبوا حد يبهدل الزمالك مهما كان مين هيكون رئيس الزمالك”.

وأضاف :” القعده على الكرسي مسئولية، واللي صنع تاريخ النادي ولادة في بعض من ولاده بيتهاونوا في حق النادي وفي حاجات بتحصل منهم لولا الزمالك مكنتش، هبقى ميدو أو كان يكون كابتن حازم إمام وكابتن إسماعيل يوسف، وكابتن خالد الغندور”.

وأكد “ميدو” : “لازم الناس تواجه أي حاجه غلط بتحصل سوء مشاكل في الفيفا و عندنا مشاكل كتير جدا والزمالك بيمر بأصعب ظروف مر بها على مر التاريخ وعارف ايه اللي حصل والعقود اللي اتعملت، لو ولاد الزمالك مش حطوا ايديهم في ايد بعض ومش هيقفوا في أي حد يهين الزمالك لان لو مش وقفنا مع بعض هيدخل الزمالك في مشاكل أكبر”.

وتابع :”لازم الناس تفهم كسبنا بطولات بفضل ولاد الزمالك لان ولاد الزمالك بيعرفوا يشتغلوا في ظروف صعبة لازم كلنا نفوق لان لو احنا مش فوقنا دلوقتي الوضع هيسوء أكتر اه المشاكل موجودة لكن نقدر نحلها”.

ووجه “ميدو” نصيحة لمسؤولي الزمالك قائلا :”أنصح المسئولين في الزمالك اللاعب اللي بيبين انه مش عاوز يجدد مش يقعدوا معه تاني ويقولوا للجمهور وبقول لأي لاعب بص على أي لاعب بيمشي من الزمالك بيخسر،اه بيكسبوا فلوس لكن بيخسر جماهيريه وتسليط الضوء عليهم”.

وأكمل :” بنصح الإدارة أي لاعب بقعد معه مرة أو 2، ويلاعبني وبيماطلني بنحيك شكرا زي المستشار مرتضى قال انت اديت وكسبت بطولات ومع السلامة والزمالك هيفضل فاتح بابه لك”.

وشدد “ميدو” :” لكن مينفعش الإدارة تكون خايفة اللاعب يمشي من الزمالك عمره ما وقف ع حد حازم إمام وعبدالحليم وجمال عبد الحميد وغيرهم اعتزلوا والزمالك فضل الزمالك عمره ما تأثر برحيل حد سواء لاعب أو مدرب، ولازم يكون فيه وضوح مع الجمهور قعدت مع فلان و رافض يجدد يبقى مع السلامة”.

وشدد “ميدو” :” الناس مش عارفه قيمة الزمالك الزمالك كبير واي حد يمشي هيجي مكانه بديل وبنحترم كل اللعيبة وتاريخهم مع النادي لكن لو شايف انك هتمشي شكرا وتوكل على الله، وباب الزمالك مفتوح وهنبارك لك لكن الزمالك اهم منك”.

وأختتم “ميدو” :”عاوز افكر الناس بالتاريخ اللاعب اللي بيلعب برجوله واخلاص وبيخلص هو ابن الزمالك احنا مش عنصريين والزمالك صاحب هويه خاصه الزمالك عبر التاريخ لما بيفوز بالبطولات بيكون التشكيل 70% من أولاد النادي”.

شاهد: