مواجهة ساخنة جدا بين الكومي و عبد الحفيظ : ” الاهلى مبيلعبش لوحده” والاخير يرد “اشتغل زينا وبعدين اتكلم” – فيديو

شهد برنامج “اللعيب” على قناة “mbc” مصر، مواجهة ساخنة بين يحيى الكومي رئيس النادي الإسماعيلي وسيد عبد الحفيظ مدير الكرة في النادي الأهلي حول الدعم المادي وحقوق الرعاية المقدمة للأندية.

وكان إدارة النادي الإسماعيلي قد أصدرت بيان في وقت سابق تهاجم فيه حكم مباراة الفريق أمام الأهلي في بطولة كأس الرابطة والتى شهدت ظلم تحكيمي ضد الإسماعيلي في نهاية اللقاء.

وقال “يحيى” :”انا بحترم الأهلي وجماهيره، لكن قربني منك في حقوق الرعاية علشان انت متلعبش لوحدك فوق وتحتكر البطولات لوحدك”.

وأشار :”الإسماعيلي أول نادي حصل على بطولة افريقيا وله جماهيرية، ولازم الرابطة تشوف حل لأن الأندية الجماهيرية بتختفي، والبنك الاهلي عنده مشجعين ايه وبيراميدز مشجعينه ايه وفارك”.

ومن جانبه قال “سيد عبد الحفيظ” :” احنا بنادي بهذا الكلام الدوله لازم تعين الأندية الجماهيرية قبل اندثارها انا بحترم الجماهير”.

وأضاف “عبد الحفيظ” خلال استضافته في برنامج “اللعيب” على قناة “mbc” مصر :”انت عاوز تاخد فلوس رعاية زي الأهلي اكسب بطولات زي الاهلي وحقق أرقام الأهلي”.

وتابع :”الأهلي إعلانه بيساوي 10 أضعاف الأندية الأخرى، وفي متابعة من الشركات للمشاهدات والجماهيرية”.

ووجه “عبد الحفيظ” حديثة لـ ” الكومي” قائلا : ” علشان تقرب مني لازم تشتغل وتحقق بطولات وانا اشتغلت ازاي علشان اجيب موارد، وعلشان الأهلي رقم واحد بياخد اكتر اشتغل زي، وليه أول تعبير بتحط الأهلي كمثال”.

شاهد: