تحدث شادي عيسى مقدم برنامج “زملكاوي” على قناة “الزمالك” سياسة نادي الزمالك خلال الفترة القادمة في ملف جديد اللاعبين، خاصة في ظل وجود عدد من اللاعبين الذين تنتهى عقودهم خلال الفترة المقبلة.
ويسعى مجلس إدارة نادي الزمالك برئاسة المستشار مرتضى منصور إنهاء ملف تجديد عقود عدد من اللاعبين الذين تنتهى عقودهم الموسم الحالي على رأسهم أشرف بن شرقي وطارق حامد ومصطفى فتحي
وقال “شادي” :” فيه اغنية لراغب علامة بتقول اللي باعنا خسر دلعنا، وده ممكن يبقى شعار جمهور الزمالك الفترة الجايه لان فيه تجديدات وفي واحد أو 2 هيرفض ووقتها الجمهور هيقولهم اللي باعنا خسر دلعنا”.
وأضاف “شادي” خلال تقديمه حلقة جديدة من برنامج “زملكاوي” على قناة “الزمالك” :” اللي خسر الزمالك قبل كده، خسر بسببه الكثير كسب الفلوس واختفى وخسر دلع الجمهور”.
وتابع :” فيه لعيبة لعبت في المنافس ولعبوا موسم أو 2، وبعدها اختفاء وبعدها في قنواتهم مش بيظهروا ولا في قنواتنا، ولازم الناس واللعيبة يكونوا فاهمين إن جمهور الزمالك لما بيدلع يريح مفيش جمهور غيره بيعرف يعمل اللي جمهور الزمالك بيعمله هتقول ده دلع زيادة”.
وواضح :” هو كده بيحب لعيبته وبيدلعهم لكن اللي بيبيعه ميرجعش تاني والمحبة بتبعد زيادة، وفي لعيبة بتخرج ويتباعوا لكن جمهور الزمالك بيفضل شايل المحبة في قلبه زي عبدالشافي اتباع واحترف بالسعودية موسم و2 و3 هل جمهور الزمالك نسيه لا”.
واستطرد :” اللي باع الزمالك وجمهوره هيخسر دلع جمهور الزمالك مش هيلاقيه والله ماهيلاقيه هناك ألف تجربه، وتجي تقارن بين وجوده في الزمالك وجوده في أي نادي في مصر او بره هتعرف فرق وقيمة جمهور الزمالك أنا مش همشي لعيبه ده عمل”.
