فتح الإعلامي عمرو أديب، النار على قنوات “بي إن سبورت” الناقل الحصري لبطولة كأس الأمم الإفريقية، ومعلق مباراة مصر والمغرب بسبب عدم فرحتهم لفوز منتخب مصر وتأهله للدور نصف النهائي ببطولة الأمم الأفريقية.
وحقق منتخب مصر فوزا غاليا على نظيره المغربي، بهدفين مقابل هدف، في اللقاء الذي جمع الفريقين اليوم الأحد بالعاصمة الكاميرونية ياوندي، ضمن مواجهات الدور ربع النهائي ببطولة أمم أفريقيا المقامة حاليا في الكاميرون.
وقال “عمرو أديب”: “هو أنا ليه حاسس إن الإخوة في بي إن سبورت مش فرحانين لنا اوي وفيه صفراوية في السعادة بفوز منتخب مصر برغم اننا المنتخب الوحيد اللى وصل لنصف النهائي”.
وأضاف “أديب” خلال تقديمه حلقة جديدة من برنامج “الحكاية” المذاع على قناة “mbc مصر :” جايز بيتهيألي وهما فرحانين لنا وانا مش واخد بالي ولكن انا بطلب منهم يكونوا موضوعيين”.
وتابع “عمرو” حديثة قائلا :” حسيت النهاردة كده فيه برود والشاب بتاعنا أحمد المحمدي سخنان وبيتكلم عن الحكم وهما ولا هنا ويردوا هنيئا لمصر بشكل فيه برود وصفراوية، فين الفرحة والابتسامة ورينا اسنانك، منتخبنا الوحيد اللى وصل ورونا الفرحة والدعم”.
ووجه “عمرو” حديثة لـ مسؤلي “بي إن سبورت” :”انتوا محطة عربية مالكوا كده اعطولنا حتة حلوة، والأخ المعلق الرياضي علي مباراة مصر والمغرب انا عارف انه عايز يبقي محايد”.
وأكد :” لكن احنا ليه وسط الماتش بنقعد نحكي مواقف تاريخية ووقف هدف مصر حسيت انه كان في حتة ورجع، واحنا في الدقيقة 119 بنطلع دخان وهو بيتكلم عن كرواتيا، وبيتكلم عن الخلفية التاريخية، ومش هنا فين الماتش يا جماعة، الحياد ميعنيش ان انتوا تبقوا في حتة تانية”
شاهد:
عمرو أديب: أنا ليه حاسس إن الإخوة في بي إن سبورتس مش فرحانينلنا!؟.. في فرحة صفراوية
تقدر تشوف الحلقة كاملة على شاهد (اتفرج ببلاش)https://t.co/hjPweJh2l6#الحكاية#MBCMASR pic.twitter.com/13ml48SaVh— الحكاية (@Elhekayashow) January 30, 2022
