ميدو يعدد أخطاء كيروش أمام نيجيريا .. ورسالة نارية للجهاز المعاون له في المنتخب – فيديو
واصل أحمد حسام ميدو نجم نادي الزمالك السابق هجومة على البرتغالي كارلوس كيروش المدير الفني للمنتخب المصري بعد خسارة الفراعنة أمام نيجيريا في افتتاح مشوار المنتخب في بطولة كأس الأمم الإفريقية.
وقال “ميدو” : ” فين الناس اللي تقوله مينفعش ده ياكوتش وان تريزيجيه مينفعش يبدأ، أقسم بالله كنت عارف إن تريزيجيه هيكون ده شكله، وانت عملت مجازفة برجل ملعبش من8 شهور و يلعب في مركز مش مركزه وفي افريقيا ودرجة حرارة عالية محتاج يبقى جاهز”.
وأشار :” حرام يبقى ده شكلنا، ولازم كابتن ضياء السيد يكون له دور انت مدرب كبير لازم تكلموا والجهاز المعاون يقوله ده مش مظبوط، ومحمد شريف ايه اللي ينزل آخر دقيقتين والمفروض مصطفى محمد ميطلعش من الملعب، وحاسس انه يبدا بنفس التشكيل ده الماتش الجاي”.
وأضاف “ميدو” خلال قديمه حلقة جديدة من برنامج “الريمونتادا” على قناة “المحور” :”الراجل ده عنيد و عاوز يعمل حاجه مختلفه،ومينفعش يا جماعه لازم الأمور دي تتغير”.
وتابع :” محدش يقولي انت قاسي لا احنا شكلنا وحش والناس زعلانه واكتر من 100 مليون مصرى دمهم محروق، والرجل طالع مش عجبه إن حد من الناس متضايق يعني انت بتعمل كل حاجه غلط”.
وأوضح :”عاوزه اوريكم تصريحات كيروش وتصريحات بلماضي، وكيروش قال إن بدأنا المباراة من الشوط التاني و ده بسبب انك اربكت لعيبتك، ولم يكن هناك سبب للإخفاق ونملك فرصة للتأهل، والترجمة بتاعت الكلام ده غلط انا سمعت الحوار، وهو قال هتفوز على غينيا بيساو والسودان ونتأهل”.
وأكمل “ميدو ” :” أي مدرب خارج بعد خسارة يحط وشه في الأرض ويرفع يديه ويعتذر، الرجل ده مش بيحترم الشعب المصري وعنده حالة من التعالي على الكرة المصريه وغير مدرك أن مصر وتاريخه المنتخب كبير جدا، وهو فاكر نفسه ماسك موريتانيا مع احترامي لها”.
شاهد:
