تحدث أحمد حسام ميدو نجم نادي الزمالك على أداء المنتخب الوطني تحت قيادة البرتغالى كارلوس كيروش، خلال بطولة كأس الأمم الإفريقية المقامة حاليًا في الكاميرون.
وقال ميدو :”عندنا مشكلة كبيرة بغياب أكرم اللي واحد من اللعيبة الرجاله وفتوح كمان، وعندك مشكلة ورطك فيها كيروش، أنت واخد قرار انك مش هتعتمد على عمر كمال، وغير واثق في عمر كمال اخدته ليه و ليه ما اخدتش احمد فتحي في لعيبة كويسه يحيى حامد لاعب المحله لكن معندوش خبره دوليه”.
وأشار :”أحمد فتحي عنده قابليه دلوقتي يقعد احتياطي، وكيروش ورطك وكان لازم ياخد عبدالله جمعة لأن أيمن أشرف مش باك ليفت يشيلك في ماتشات مهمة وعبدالله لعب كل الماتشات الأخيرة وكان كويس”.
وأضاف “ميدو” خلال استضافته في برنامج “ملعب أون” على قناة “أون تايم سبورت” :”خد عبدالشافي وهيقعد وعنده خبره ومش هيعملك مشكله البدائل قليله ولازم نبقى حذرين دفاعيا”.
وتحدث “ميدو” على مستوى لاعبي خط الدفاع في المنتخب قائلا :” مال ده ومال الونش وحجازي يكونوا وحشين كده الونش، فين دورهم مع حمدي فتحي متتحركش ولازم تقابل من هنا مال كيروش ومال إن فيه لعيبة كبار في الملعب و فيه مواقف لازم يتكلموا”.
وأكمل :”حمدي فتحي بيقابل فوق واي لاعب كبير يقوله اقف هنا، واللعيبة بتاعتنا مكنش لها رد فعل بعد هدف نيجيريا هل دي ندرب ولا لعيبه، ولازم الجهاز المعاون يكون لهم دور، ولازم حازم إمام وبركات يكلموا وائل جمعة يبلغوا انه يستعين بكابتن ضياء السيد ويقف معه على الخط”.
