ميدو ينفعل على الهواء بسبب مسؤولي الكاف بعد مأساة مباراة الكاميرون وجزر القمر – فيديو

فتح أحمد حسام ميدو نجم الزمالك السابق النار على مسؤولي الاتحاد الإفريقي لكرة القدم “كاف” بعد حادث مباراة منتخب الكاميرون وجزر القمر أمس الإثنين، والتي شهدت وفاة وإصابة عدد كبير من المشجعين بسبب التدافع قبل اللقاء

وقال “ميدو” :” امبارح للاسف حادثة مؤلمة في الكاميرون راح ضحيتها 8 من الكاميرون كل ذنبهم رايحين يتفرجوا على ماتش كره، والسبب سوء التنظيم موتسيبي رئيس الكاف عمل مؤتمر صحفي هاجم بشدة الحكومة الكاميرونية واللجنة المنظمة”.

وأشار :” للاسف المباراة اتلعبت وكأن شئ لم يكن، والغريب أن المسئولين في الكاميرون كانوا عارفين الحادثة، والمباراة اتلعبت ولا كأن حاجه حصلت وكأن مباراة كرة قدم أهم من حياة البني آدمين واللي حصل في الكاميرون مستحيل يحصل في أي بلد أو قارة تانية”.

وأضاف “ميدو” خلال تقديمه حلقة جديدة من برنامج “الريمونتادا” على قناة “المحور” :” جيبوا لي أي بلد في العالم أي ماتش قبل مايبدأ ويحصل تدافع بسبب غلق الأبواب وحاجات كتير والمباراة تتلعب،عادي والناس اللي ماتت مش مشكله
جيبولي بلد أو قارة ممكن يحصل ده”.

وتابع :”بعد اكتشاف حجم المصيبة وردود أفعال من الفيفا والاتحاد الأوروبي بدأوا يتحركوا وده بيوضح قيمة الإنسان عند الأوروبين، واللجنة المنظمة لعبوا مباراة وبيصدروا للعالم مفيش حاجه”.

وواصل :” حاجه تحزن وتزعل وضد الإنسانية انت فضلت تلعب ماتش كرة وتكسب وتحتفل ولم يهمك ناس من شعبك ماتوا اتصابوا إصابات خطيرة، واللعيبة مكنتش تعرف حاجه لان الحادثة حصل وهم بيسخنوا لكن اللجنة المنظمة والحكومة الكاميرونية عرفوا ان في ناس ماتت وعدد اصابات كتير ولا كأن الناس دي ليس لها قيمة وايه ذنبهم غير انهم بيحبوا بلدهم”.

وأكمل :”الحوادث دي حصلت في أكثر من بلد منها مصر بس كان بيتعمل إجراء سريع لكن هم متحركوش في الكاف والكاميرون الا بعد بيان الاتحاد الدولي والأوروبي اللي بيدينوا اللي حصل وسوء التنظيم وبيدعوا للضحايا والمصابين”.

شاهد: