هجوم ناري من رضا عبد العال على كيروش بعد خسارة المنتخب أمام نيجيريا ويطالب برحيله فورًا عن المنتخب – فيديو
فتح رضا عبد العال، نجم الأهلى والزمالك السابق، النار على البرتغالي كارلوس كيروش، المدير الفني لمنتخب مصر بعد الخسارة أمام نيجيريا.
وقال عبد العال فى برنامج “البريمو”، المذاع على قناة “ten”: “تريزيجيه لم يكن جاهزا للمشاركة بشكل اساسي، والأمر الغريب مشاركة أحمد فتوح وهو مصاب، والتغييرات كانت متأخرة”.
وأضاف: “المنتخب المصري لم يظهر بشكل جيد إلا بعد مشاركة الثنائي زيزو ورمضان صبحي، ويجب تدخل حازم إمام ومحمد بركات فى الامور الفنية داخل اتحاد الكرة”.
وعن كيروش: “حرام عليك قهرت الشعب المصري بعد هذا الأداء السييء، بهذا الشكل نلعب فى دورة مرسي مطروح”.
وتابع :” اللى حصل يدل على أننا رؤية فنية ولازم تحترم، وعايز اقول للناس الجهابذة ايه رايكم فى اللى حصل النهاردة، ولو كملنا بالشكل ده هنخرج في اللقاء الفاصل، وكيروش مدرب متواضع وهو المسؤول عن هزيمة المنتخب المصري”.
وأوضح :”المفروض الراجل ده يمشي النهاردة والكابتن ضياء السيد هو اللى يكمل المهمة مع المنتخب، علشان اللاعبين تحس اننا في خطر لأن المدرب ده مش بيقول حاجة للاعبين”.
وأكمل ” عبد العال” :” عمر مرموش مش لاعب تقيل، وميقدرش يشيل المنتخب، ومنقدرش نظلم اللاعبين، والنهاردة مكنش فيه أي فكر في الملعب عند المنتخب و نفسي احضر محاضرة لـ كيروش واعرف بيقول ايه للاعبين، كيروش أفقد المنتخب هوية والمنتخب معه بلا روح ولا شكل “.
شاهد:
