تحدث محمد أبو جبل حارس مرمى المنتخب الوطني عن سر تألقه مع المنتخب خلال بطولة كأس الأمم الإفريقية التى خسرها الفراعنة في النهائي على حساب السنغال
وقال “أبو جبل” : “ترتيب ربنا مفيش احسن منه لو كنت حاسبها بالورقه والقلم مكنش هيحصل ده، وعدينا بمواقف صعبه من أول معسكر للبطولة إصابات وظروف والظروف دي ساعدتنا نعدي واحده واحده”.
وأشار :” الحضري دربني واحنا مصابين بـ كورونا ومكنش فيه أعراض نعمل مسحه الصبح وبالليل وبندرب علشان الحق بالبعثة عملت 4 مسحات في يوم علشان اسافر”.
وأضاف “أبو جبل” خلال استضافته في برنامج “الحكاية” على قناة “MBC” مصر :” كنت متخيل نوصل النهائي من أول اصابتي بكورونا وعديت بمراحل صعبه وكان صعب علي أوي الموضوع وفيه مواقف قوتني علشان نعمل اقصى حاجه علشان ناخد البطولة”.
وتابع :” كان عندي ثقه ف الله العب في اي وقت الشناوي حارس كبير ومحترم واي لاعب في المنتخب لاعب كبير ومفيش فرق بين زمالك واهلي ولا أي نادي كلنا منتخب لمصر والجهاز الفني عاوز يوصل ده “.
وأكد “أبو جبل” :” الاختيارات دي كلها زي بعض مفيش فرق وكلهم مستويات واحدة واكبر دليل ان البديل كان بينزل زيه زي الأساسي”.
وكان منتخبا مصر والسنغال تواجها امس الأحد، في المباراة النهائية من بطولة كأس أمم إفريقيا التي أقيمت في الكاميرون، وانتهت لصالح اسود التيرانجا بركلات الترجيح، وحققت اللقب الأول له لكأس أمم إفريقيا.
شاهد:
