حل أحمد مرتضى منصور المرشح على عضوية مجلس إدارة الزمالك في الانتخابات المرتقبة خلال الأيام المقبلة، ضيف على برنامج “في الجول” على قناة الحدث للحديث عن خطة قائمة مرتضى منصور للانتخابات المقبة
وأوضح “مرتضى” :”الناس كلها بتسألني انت نازل انتخابات ومفيش دعايه ليه؟..و اتعلمت من مرتضى شغلك هو اللي بيقعدلك وبيكلم عنك والناس ذكية وعارفه مين اشتغل وصعب تضحك عليهم احنا مرتاحين لأننا اشتغلنا 6 أو 7 سنين ومستنين الناس تقول كلمتها ودعوة لكل الناس اشتغل لان الناس بتشوف شغلك”.
وقال “أحمد مرتضى” :” فيه كلمة لمرتضى منصور وهي لو طرحت نفسك للعمل العام وربنا وفقك بتفرح يوم وبتتعب 4 سنين ولو خسرت بتزعل يوم وبترتاح
وأشار :”كنا سايبين النادي كل واحد واخد مستحقاته بالزيادة وكانوا واخدين 100% وكان فرجاني بس فاضله شهر أو شهرين لان عقده كبير، وسايبه ينافس في كل الألعاب وفيه فلوس والقضايا دي سمعت عنها بعدين ولازم يكون في محامي يتابع القضايا دي”.
وأضاف “أحمد” خلال استضافته في برنامج “في الجول” على قناة “الحدث اليوم” :” كل واحد اجتهد وعمل اللي عليه سواء المرحوم المستشار أحمد بكري واللواء عماد وكابتن حسين لبيب”.
وأوضح :”مش عايزين نحمل الناس أكتر مما يتحملوا وهم لجنة مؤقته ومكنش في خبرات في إدارة الأندية، وانا سايب النادي وهو في نهائي افريقيا متفقناش ده حاجه تانيه”.
وأكمل “أحمد مرتضى” :” وعلى مستوى القضايا كسبان قضبة الشناوي وكهربا وانت رافع قضية على خالد ابوطيب وغريبه انك تخسرها لانك اللي رفعتها مش هو و قضايا ممدوح عباس أجوجو وكريم الحسن ومجموعة كبيرة حوالي 10 لعيبه سددت قضايا تجاوزت 300 مليون”.
واستطرد ” مرتبات موظفى الزمالك 15 مليون جنيه احنا مش بنجمع تبرعات الزمالك نادي كبير الامور ستتحسن خلال شهور معدودة هترجع افضل”
وأختتم ” أحمد مرتضى” :” احنا جينا و الوضع كان سيئ في كل الألعاب والناس كلموني على فرق الصالات و سددنا مستحقات لألعاب الصالات ووعدتهم بسدادها، ومعرفش مرتضى بيجيب فلوس منين ممكن سحر او معرفش بس بيوفر المستحقات بوعد المدربين أن لهم المتأخرات شهرين سيتم سدادها”.
