شن أحمد دويدار، مدافع نادي الزمالك السابق، هجوما شرسا على مؤمن سليمان مدرب القلعة البيضاء الأسبق، بعد حديث الأخير عنه.
وكان مؤمن سليمان قد تحدث في تصريحات إعلامية، عن خسارة نهائي دوري أبطال أفريقيا، وامتلاكة 14 لاعب فقط.
وقال مؤمن سليمان، جماهير الزمالك كانت لابد أن تشكرني بعدما خضت نهائي أفريقيا بلاعبين أمثال دويدار ورمزي خالد، ومايوكا وبـ14 لاعب، بدلا من الهجوم عليا.
ورد أحمد دويدار على المدرب عبر حسابة الشخصي قائلا: ” لقيت فيديو مومن سليمان بيقول هكسب دوري ابطال افريقيا ازاي ومعايا مايوكا ورمزي خالد ودويدار ومصطفي فتحي ده تقليل مننا من مدرب معندوش خبرة وفاكر نفسه عبقري زمانه”.
مؤمن سليمان لجماهير الزمالك عيب عليكم واتعلموا من الأهلي!!
وتابع، ” علي فكرة ماتش العودة صن دوانز انا لعبت من افضل الماتشات في حياتي وكنت نفسي ناخد البطولة بس للاسف طريقتك الهجومية في ماتش الذهاب في صن داونز هيا سبب خسارة البطولة وقولت في المحاضره هنجيب هدفين في اول ربع ساعة حصل العكس دخل فينا ٣”.
وأضاف، ” يا مومن انت عدو نفسك فشلت في سموحة وبعد كدة في المقاصة انت مش مدير فني انت مدرب عام كتير عليك كمان وشخصيتك ضعيفة مع اللاعبين ومبتعرفش تسيطر علي اوضة اللبس وبلاش اقول انت اتشتمت من مين وانا اللي خليته يبوس فوق دماغك ويعتذرلك قدام الناس”.
وواصل، ” مفيش فريق دربته غير لما لاعب يتخانق معاك انت هتشوف نفسك علشان الاول في الدوري العراقي هوه انا اللي كنت بقول للاعبين انا احسن من كوبر وحسام حسن وميدو وعبقري زماني”.
وواصل، ” يا راجل انت بتلف علي كل لاعب تاخد رايه في التدريب وتشكيل الماتش انت مهزوز جدا انت كل متطلع تقول ١٤ لاعب ايه علاقة ده بطريقة اللعب والفتي ليه العند وتبرير الفشل متقول انك غلطت وخلاص”.
وأتم، ” هفضل اقول انت سبب رئيسي في خسارة دوري ابطال افريقيا ماتش صن داونز وكانت بطولة سهلة وربنا يهديك علي نفسك يا روتيشن مكنتش حابب اتكلم عنك بس لازم ارد عليك هتجيب سيرتي تاني اللي جاي هيزعلك”.
