تحدث حازم إمام نجم الزمالك السابق عن أداء المنتخب المصري خلال بطولة كأس الأمم الإفريقية التى تختتم فعالياتها اليوم الأحد في الكاميرون
وقال حازم امام :” مشاعري زي أي مواطن مصري كلنا قلقانين وعندنا أمل في الله واللعيبه مكناش نتوقع نوصل الفاينال إلا بتكتيك الرجل ورجولة اللعيبه، وكل اللي هيحصل خير واللعيبه عملت اللي عليها”.
وأشار :”انت بتلعب ده 3 باك رايت يلعب بعد اكرم ربنا يشفيه وبعدها عمر كمال وأمام عاشور اللي لعب باك وده مش مركزه وكان هايل، وأبوجبل بيلعب ماتشات رائعة”.
وأضاف “حازم ” في تصريحات لبرنامج “جمهور التالتة” على قناة “أون تايم سبورت 2″ : الثيرد باك بتاع الأساسي اتصاب ومحمد عبدالمنعم الولد الصغير رائع الميزة عندنا غير كل المنتخبات البدلاء ممتازين وهايلين وأمام عاشور كان عامل ماتش هايل”.
وتابع :”مهند لاشين ملعبش ولا ماتش ونزل وكان هادي جدا ويلعب ضربة جزاء وتحسه لعب 30 أو 40 ماتش وشوف منعم عامل ازاي بياخد الكره من غير فاول ولد صغير ولا شاف جمهور وأول مره يلعب افريقيا كل اللعيبة الاحتياطي هايلين”.
وأكمل “حازم” :” فتوح معدي بيلعب على أجمد ناس في العالم وهنا في مصر يقولوا اصل مبيدفعش كويس “يا عم صباح الخير”.. كيروش محفظ اللعيبة وده شغل فني اصل بيقولوا مجهود لعيبه لا مين اللي جاب اللعيبة وعمل التوليفة وحفظهم وعمل التكيتك”.
وأشاد “إمام” بقدرات “كيروش” قائلا:” كيروش عالمي يرفع له القبعه أول مرة من 2010 نلعب كرة حلوه اه كنا بنكسب لكن بنلعب، كرة كويسه وبنعمل هجمات وعندك 20 لاعب كويسين منهم ناس محدش هنا ف مصر كان يتوقع انهم كويسين”.
وأكمل :” ولا فتوح ولاعمر ومنعم ولا مهند لو فيه ضربات ترجيح أخد الأخيره زي ما انا متعود لانها عاوزه حد أعصابه هادئة وعنده ثقة في نفسه لو وصلنا ان شاء الله لضربات الترجيح صلاح يخلص والخامس لازم يكون بارد وربنا يكرمهم بكره”.
وأكد “إمام” :” انا بثق في كيروش جدا بيشتغل شغل كبير بيشتغل بجد ويشتغل 10 و15 ساعة في اليوم ويقطع ويحفظ الناس اللعيبة حباه، وراح الماتش اللي فات وسط الاحتفال علشان يسلم على محمد شريف كيروش بياخد باله من كل حاجه واي نتيجه احنا مقدرين وعارفين امكانياته”.
