حل المستشار مرتضى منصور رئيس نادي الزمالك ضيفًا على قناة “الحدث اليوم” في أول مرة على الفضائيات منذ فترة، كاشفًا عن سبب منعه من الظهور الإعلامي على القنوات الفضائية خلال الفترة الماضية
وقال “مرتضى” :”من يوم 4 في شهر نوفمبر من العام الماضي، لم أظهر في أي قناة مصرية أو عربية، وبعد مباراة الزمالك والرجاء المغربي في دوري أبطال أفريقيا أثناء وجودي في النادي حبيت اعمل مداخلة في قناة الزمالك لقيت ولد بيقولى انت ممنوع من الظهور في اي قناة”.
وأشار : “بقول للشخص اللى منعنى ده انت اللى خسران لان أنا حجم مشاهدات القناة عندى تتعدى الـ 20 أو 30 مليون مشاهدة”.
وأضاف “مرتضى”خلال ظهوره الأول على قناة ” الحدث اليوم” في برنامج “في الجول” :”حابب أعرف مين اللى عمل كده، وحبيت اتواصل مع مدحت شلبي قبل كده كان يقولى ابعتلنا ورقة عايز تقول فيها ايه، واحنا نقولها من غير ما تظهر، وإسلام صادق قالى هاتلنا إذن بالظهور”.
وتابع :” ممدوح عباس كان رافع عليا قضية إنى مظهرش تاني على الفضائيات، والمحكمة قالت أنه لا يجوز منعي من الظهور”
وأكمل “مرتضى” :”انا حزين لانى دايما لما كنت بطلع على الفضائيات كنت بدافع عن بلدى في كل القنوات واللى حصل ده بعتبره جريمة”
واختتم “مرتضى” :” بقول لكل اللي منعوني تقدر تقول كده للخطيب، أو أي رئيس نادي تاني، واتمنى ان الشخص اللى طلع القرار بعدم ظهوري يطلع ويقول انا اللى منعت مرتضى”.
