مرتضى منصور يتحدى شوبير بشأن عقد كهربا مع الزمالك.. ويفضح إدارة الأهلي – فيديو
تحدى المستشار مرتضى منصور رئيس نادي الزمالك، الإعلامي أحمد شوبير بعد تصريحاته عن أزمة اللاعب الهارب محمود عبد المنعم كهربا مع الزمالك، مؤكدًا على صحة موقف القلعة البيضاء في قضيته ضد اللاعب.
وقال “مرتضى” :” بقول لشوبير لم نفسك وبلاش تريقة علينا، لأنه قال في برنامجه الإذاعي إن الزمالك واتحاد الكرة زوروا عقد كهربا، وبقوله لو النادي بتاعك سابك من غير حساب على الكلام ده يبقى أزمة كبيرة، ويبقى النادي اللى بيلعب فيه ابنك “الخرم” هو اللي مسلطك علينا”.
وأوضح “مرتضى” :”المحامي الدولي قال إن الأهلي هرب اللاعب عن طريق النادي البرتغالي، ومرضناش نعمل أزمة مع الأهلي وعديناها، وفي نفس الوقت أحمد مجاهد ومجدى عبد الغنى أكدوا ان عقد كهربا مع الزمالك سليم”.
ووجه “مرتضى” حديثة لـ “شوبير” قائلا :”بقول لشوبير انت مالك بقضية كهربا قبل ماتش مهم للزمالك، وده لاعب النادي بتاعك هربه لبره، وده بشهادة التقارير والمواقع اللى قالت إن الأهلي هو اللى طلع كهربا برة للنادي البرتغالي علشان يكون كوبري ويرجع تاني على الأهلي”
وعرض “مرتضى” منصور خلال الفيديو الذي نشرته قناة “الحدث اليوم” عقد “كهربا” مع الزمالك، وأكد أنه يتحدى شوبير أن يكون عقد اللاعب الهارب يوجد به أي أخطاء إجرائية أو يكون هناك تزوير توقيع اللاعب كما ادعت بعض التقارير خلال الفترة الماضية.
شاهد:
