مرتضي منصور لـ كارتيرون : “انا عارف اللي مشاك هو اللي رجعك .. والشرط الجزائي مش هيخليني ازعل ملايين الزملكاوية “

وجه المستشار مرتضى منصور رئيس نادي الزمالك رسالة نارية إلى الفرنسي باتريس كارتيرون المدير الفني للفريق الأول لكرة القدم في الزمالك، بسبب نتائج الفريق الأخيرة.

وشهدت الفترة الماضية حالة من تراجع نتائج الفريق الأول لنادي الزمالك حيث فشل في الصعود إلى الدور نصف نهائي من بطولة كأس الرابطة، ثم تعادل في افتتاح مشوار الفريق مع دور المجموعات بدوري أبطال أفريقيا أمام بترو أتلتيكو، وكان آخرها الهزيمة أمام سموحة في الدوري.

وقال “مرتضى” :”أنا مهيئ لـ كارتيرون كل الأجواء اللى تخليه يكسب البطولات، وهل ينفع واحنا عندنا لقائين مهمين في دوري الأبطال أن يحصل أي تغيير في الجهاز؟.. أكيد مينفعش”.

ويستعد نادي الزمالك لمواجهة فريق ساجرادا الأنجولى والوداد المغربي في الجولة الثانية والثالثة من دوري المجموعات بدوري أبطال أفريقيا

وأكد “مرتضى” :”لكن أنا مع الجماهير وحاسس بيهم وكل اللى عايزه كارتيرون انا بعمله لكن انا مع جماهير الزمالك وبتكلم بلسانهم.. وبقولهم أوعوا تفتكروا إن رئيس النادي بتاعكم خرع لكن احنا بناخد القرار في الوقت المناسب”.

وأضاف “مرتضى” في تصريحات لبرنامج “في الجول” على قناة “الحدث اليوم” :” كان فيه اجتماع بين أمير مرتضى و كارتيرون بعد الماتش ومش هقول تفاصيله”

ووجه “مرتضى” رسالة إلى كارتيرون قائلا: “بقول لـ كارتيرون اللى رجعك تاني بعد ما مشيت هو اللى بيخليك تعمل كده”.

واختتم “مرتضى” :”بقول لـ كارتيرون لو الشرط الجزائى ده أزمة بالنسبالك فانا عندى نادي الزمالك وجماهيره أهم من أي حاجة، والشرط الجزائي مش هيخليني ازعل ملايين الزملكاوية ”