أوضح المستشار مرتضى منصور رئيس نادي الزمالك سبب تأخر قرار إقالة الفرنسي باتريس كارتيرون المدير الفني للفريق الأول، مشيرًا إلي أنه أعلن في وقت سابق عن تأجيل أي قرار قبل مواجهة الوداد
وقال”مرتضى” :” أنا لا أخذ تعليمات من أحد ولم استمع إلى نصائح ميدو كما ادعى البعض – مع احترامي الشديد لـ ميدو وزملكاوي جميل- لكن انا لا اخذ تعليمات من حد”.
وأشار :” مش هنسمع من ميدو، واحنا استلمنا النادي من 3 أو 4 أيام بس يوم 11 فبراير مدة المجلس انتهت واعتمدت نتيجة من كام يوم ومحدش يعلمني اشتغل ازاى بفضل الله”.
وأضاف “مرتضى” في تصريحات لقناة “الحدث اليوم “: “الاستاذ اللي بيقولي ينفذ كلام ميدو مع احترامي له مش هسمعه، ومجلس الإدارة أول قرار بكره ولو مشيت ورا كل واحد هبقى طرطور، وانا عمرى ما هقبل أكون الشخص ده”
وتابع :”انا قولت مفيش قرار هيتاخد قبل مباراة الوداد علشان فيه ناس بتتلكك وهيقولوا شوفوا النادي خرب انا مش تلميذ”.
وواصل :” انا تحملت من كارتيرون استفزازات لايتحملها بشر انا كنت قدمت استقالتي وقولت للوزير هرجع يوم واحد واستقالتي اهي وفي حد من لجنة حسين لبيب راح قال اننا خايفين انه يصفي حسابات وهيمشوا كارتيرون”
