منح المستشار مرتضى منصور رئيس نادي الزمالك مهلة محددة للاعبي الفريق الأول من أجل حسم ملف تجديد عقودهم خلال الفترة الحالية.
ويسعى مجلس إدارة الزمالك تجديد عقود عدد من اللاعبين الذين تنتهى عقودهم خلال الموسم الحالي وعلى رأسهم أشرف بن شرقي ومحمد أبو جبل وطارق حامد
وقال “مرتضى” :” اللعيبة اللي عندهم تجديد عندهم ماتش يوم الأربعاء القادم، وبعدها يوم الخميس اللي مش هيجدد مش هيلمس كرة لنهاية الموسم احنا مش هنتحايل على حد ياميدو”.
وأشار :”أمير مرتضى بياخد تعليمات مني، واللي كلمني من اللاعبين هو طارق حامد وقالي جاهز للتجديد معنديش أزمة”
ووجه “مرتضى” في رسالته للاعبي الزمالك:” مهلة مجلس الإدارة للاعبين هو يوم الخميس من الساعة 12 حتى الساعة 2 المهلة تخلص، اللي عاوز يجدد هقوله شكرا واللى مش هيوافق على شروط النادي هقولة شكرًا وهيجي لاعب احسن منه 100 مرة”.
وأضاف “مرتضى” في تصريحات لقناة “أون تايم سبورت” : “مش هجهز حد لنادي تاني مش هكرر تجربة مؤمن زكريا لأنه كان بيجيب كل ماتش هدف أو2 قولت للمدرب ريحه شويه علشان إنبي ميطلبش كتير لما كان معار من إنبي للزمالك”
واختتم “مرتضى” :” مش هنجم حد من اللاعبين على حساب الزمالك اي حد جمهور الزمالك شايفه زيادة هيمشي”
