مرتضى منصور يفجر مفاجأة من العيار الثقيل ” هقعد في البيت ومش هروح الزمالك تاني” – فيديو
فجر المستشار مرتضى منصور رئيس نادي الزمالك مفاجاة من العيار الثقيل، مشيرًا إلى أنه لن يستطيع العمل في نادي الزمالك خلال الفترة المقبلة، بسبب كثرة القضايا المرفوعة عليه خلال الفترة الأخيرة.
وقال “مرتضى” :” المناخ الذي أعمل فيه لا يصلح للعمل، كل يوم أصحى على قضايا مرفوعة من الخطيب وممدوح عباس وأحمد سليمان، وده مش مناخ حد يشتغل فيه”.
وأضاف “مرتضى” في تصريحات لقناة “الحدث اليوم ” : حصل موقف النهارده مش هعديه، ومينفعش حد يجي النهاردة يقولى الخطيب خط أحمر، وبقول لأ الخطيب مش خط أحمر زي ما في مسؤول بيقول”.
وتابع :”لما اكون وأخد براءة في قضية الساعات ولما يكون المستشار تركي آل الشيخ مقدم بلاغ وبيقوله انت اخدت 263 مليون جنية لحسابك، وكون القضية اتحفظت مش مشكلتي”
وواصل “مرتضى” : ” مش هتمرمط في المحاكم كل يوم، ده شئ يفوق الخيال انا عندي ماتش الوداد يوم الجمعة، ومن بعد مباراة الوداد مش هاروح النادي ووهتفرغ لتربية أحفادي في البيت”
وأكمل “مرتضى” : “من الصبح مكان ليا لقاء مع البنك التحاري الدولي وبعد الظهر مع البنك الاهلي وبنك مصر وبدخل ملايين للنادي وامشي مدرب واجيب مدرب”.
واستطرد “مرتضى” :” مش هشتغل في الطريقه انا هقعد في البيت وانا لا صحيا ونفسيا وفي السن ده أقدر أروح النيابة والمحاكم كل يوم، و مش هعرف اشتغل كده اللي بيحصل زاد عن كل الحدود”.
وأكد “مرتضى” في حال إنفعال :”أنا غصب عن أي حد الرئيس التاريخي للزمالك، و وقولت للدولة مش هكمل في رئاسة النادي بالشكل ده، والموقف اللي حصل مش هعديه وهاخد حقي”.
وأختتم “مرتضى” :” الزمالك فوق دماغي، وانا لا بقبض وانا وولادي شغالين خدامين وبنشتم انا ادهم بس مش هعرف اكون فاضي للنادي، وأنا عندي طاقه وخصلت النهارده انا ادهم كلهم ومحدش يزعل مني لما اجبهم الأرض”.
شاهد:
