مرتضى منصور يكشف رسالته لـ إبراهيم نور الدين بعد فضيحة الجونة.. وما دار بينه وبين أحمد دياب
تحدث المستشار مرتضى منصور رئيس نادي الزمالك عن آخر الملفات المتعلقة بالفريق الأول لكرة القدم في النادي، وذلك بعد فوز الفريق على الجونة بهدفين مقابل هدف في بطولة الدوري
وقال “مرتضى” :” الناس اللي بتتكلم على ماتش فيوتشر وبعد الخسارة وتحولها لفوز، المفروض أنك نادي الزمالك خارج من عنق زجاجة ، واللاعبين كانوا فاقدين ثقة النصر”
وأشار “مرتضى” سبب تراجع أداء الفريق في الشوط الثاني أمام الجونة، بسبب أن اللاعبين كان لديهم تخوف من التعرض لأي إصابة خلال اللقاء، قبل مباراة الوداد الهامة يوم الجمعة
وأضاف “مرتضى” في تصريحات لقناة “الحدث اليوم” :” إبراهيم نور الدين مش عاوز يهدى وبعتله رساله بعد المباراة وسالته هل انت ضمير راضي على اللي عملته جول صحيح والغى”
وكان إبراهيم قد لغى هدف سجلة المغربي أشرف بن شرقي جناح نادي الزمالك في بداية لقاء الزمالك والجونة بداعى التسلل، بجانب الأخطاء الأخرى التى دفعت جماهير الزمالك لشن هجوم عنيف عليه خلال اللقاء
وتابع :” هل مقرر علينا نور الدين، وبيزعلوا لما نكلم على الحكام والفار اتعمل علشان لما يكون فيه شك بتراجعه لكن إبراهيم نور الدين بتاع شركة السياحة مش عايز يزعل حد”
وأكمل “مرتضى” :” انا جايب مدرب عالمي وفيه ناس بتقول ازاى مرتضى جيب فيريرا وكان طلع هاجمة قبل كده، وانا فعلا زعلت منه لما راح قطر لكن مفيش أي خلاف معاه وانا زعلت منه بسبب سفرة وقتها”
واستطرد :” في ماتش بين الاهلي والمريخ أنا أمي ونادي الزمالك والاسماعيلي بنتشم ليه والشيخ تركي آل بنشتم ليه ده مش مناخ للعمل، وبقول للمسئولين في الدوله اللي قالولي البلد مش ناقصة ولما يحصل حاجه هنجيب لك حقك ومتردش حضرتك عملت ايه لما امي اتشتمت والنادي بتاعي”.
وأوضح “مرتضى” :” تحدثت مع احمد دياب رئيس رابطة الأندية، لأن المباراة كانت على ملعب مصري، وقالي لا يصح هذا الأمر ورغم أنه ماتش افريقي بس ده جمهور مصري”
