تحدث إيهاب جلال المدير الفني لفريق بيراميدز على خسارة فريقه أمام بيراميدز بثلاثة أهداف مقابل هدفين، في المباراة التي جمعتهم مساء اليوم على استاد الدفاع الجولى ضمن مؤجلات الجولة الـ 11 من عمر مسابقة الدوري العام.
وقال “إيهاب جلال” : “في بداية المباراة كنا سيئين مش مركزين، دخل فينا هدف عن طريق بن شرقي، بعد كده ربنا كرمنا بهدفين، والزمالك سجل جول في توقيت سيئ في نهاية الشوط الأول اللي كنا جيدين”.
وأشار :”الزمالك عمل 3 فرص سجل منهم 3 أهداف، بعد كده الزمالك قفل عشان يحافظ على المكسب، كنا أخطر و أفضل، لكن النتيجة مش في صالحنا”.
وأضاف “إيهاب جلال” :” مش عايز اتكلم و اقول تحكيم ، هي في الأول و في الآخر كرة قدم، والكابتن أمين عمر من أفضل الحكام المصريين، و ماتش الأهلي و ماتش الزمالك اللي خسرناهم كنا الأفضل”.
وتابع :” الفرق، فريق لابس أحمر و فريق لابس أبيض، و لوغيرنا التيشيرتات و لبسنا أحمر أو أبيض في ماتشين الأهلي والزمالك هاتقولوا العكس اللي في الملعب و ده دليل ان احنا الأحسن”.
وواصل : “إيهاب جلال” :”اتفرجت على الأهداف اللي الزمالك سجلها قبل ما اطلع المؤتمر الصحفي و الهدف الأول الكرة خبطت في سامي، والجول الثاني خطأ دفاعي، والجول الثالث الكورة راحت لإمام بسهولة و سجل الثالث”.
وأكد ” إيهاب” :”الزمالك كان جاتله كورتين كمان طول الماتش و خلاص على كده ، و لكن هي دي الكورة و بنقولهم مبروك طبعا، والهدف الثاني للزمالك في آخر الشوط الاول هو اللي اربكنا”.
