اكد أحمد حسام ميدو، أن الهتافات العنصرية سبب تدمير موهبة محمود عبد الرازق شيكابالا لاعب فريق الكرة الأول بنادي الزمالك.
قال ميدو في تصريحاته عبر برنامج الريمونتادا على قناة المحور: “شيكابالا حس بالتحقير من جمهور الأهلي، والناس اللي في النوبة الجدعان لما حد يجبلهم سيرة اللون أو تعامل بعنصرية مش هيسكت”.
أضاف: “حتى لو أنا غلطان، وجيت حقرتلك أو اتعاملت معاك بعنصرية، هيكون رد فعلك ايه؟”.
وواصل ميدو: “رد فعل شيكابالا احنا برضو ضده، ولكن شيكابالا وصل لرد الفعل ده بسبب إهانته، ومفيش حد بيجيب حقه، لا إعلام ولا اتحاد كورة ومسؤولين”.
واوضح: “كلنا اتسبينا بالأب والأم، لكن العنصرية دي مش موجودة، ومفيش بيان واحد طلع من النادي الأهلي، بيندد بالعنصرية”
وشدد ميدو: شيكابالا لا يُقارن بأي لاعب في الدوري المصري، من حيث الإمكانيات والموهبة”.
واردف: شيكابالا أزمته الحقيقية، أنه غير قادر على العيش في الغربة، وهو في مصر يريد اللعب في أوروبا وبمجرد، أن يذهب إلى أوروبا أو أي تجربة احترافية، يريد العودة”
وختم حديثه قائلا: “الإعلام الأهلاوي دوما ما يُحصن لاعبيه، والإعلام الأهلاوي ضخم لاعيبة إمكانياتها عادية وهذا سبب أزمة للأهلي وشيكابالا عندما كان في الوصل الإماراتي والكل في الإمارات يعامله بشكل مميز نظرا لموهبته وأخلاقه اتصل بي وقالي مش قادر يا ميدو أكمل عايز أرجع مصر”.
