أبرز تصريحات مرتضى منصور ..بشرى سارة لجمهور الزمالك وموقفه من إنضمام بن شرقي للأهلي-فيديو
أطلق المستشار مرتضى منصور رئيس مجلس إداره نادي الزمالك، عدة تصريحات هامه ابرزها اعتزامه اعلان خبر سار لحمهور الفارس الابيض، ووضح موقفه من انضمام المغربي اشرف بن شرقي لصفوف الاهلي.
وقال مرتضى منصور في مداخله هاتفية ببرنامج زملكاوي غبر قناة الزمالك :”مبروك لجماهير الزمالك البطل الحقيقي المحترمه الوفية اللي بتفهم كره ، معدن البني ادمين بيظهر في الصعب، والجمهور معدنهم عظيم جدا ولوقالوا 100 الف هتلاقي حاضرين ”
وأضاف : ” الجمهور هم البطل ويليه المدرب المحنك الذي سافر له أحمد وأمير من قبل للتعاقد معه ، واعتذر بسبب ظروف خاصه به ،هو لم يشكل فريق جديد فقط بل جهاز معاون جديد ايضا ” .
وأكمل مرتضى : “ومبروك لامير مرتضى منصور إبن صاحب العزبه ومادام بيفقعك ابن صاحب العزبة هقولها “.
واردف:” وحياة المصحف الشريف في عيل مهدد بالسجن ( في اشارة الى هاني زاده) وكان هربان بره مصر وهذا البني آدم وهو هربان كان بيجيب ورق من الزباله ويترجم الحاجات اللي بنعملها ،يسيب الفلوس في حسابه هو و الدولار فايده يوميه كل ده في النيابه العامه ودفعتله فلوس 45 الف جنيه علشان ميتحبسش، وايضا28 الف دولار، بيقول هيرفع قضيه ، لإقالة مرتضى، بقوله عيب وكفايه موضوع محمد ابراهيم اللي اتغرمنا بسببه” .
وتابع منصور: “عاوز أقول ان اللي طالع من الشركه المتحده هو الخاسر ، لانها بتدفع أجور الإستديوهات و المذيعين و تعطيك المواد الفيميه اللي بيتم اذاعتها ”
وشدد: ” بكره في بيان مهم جدا يخص اعضاء الجمعية العمومية وجمهور الزمالك وسيسعدهم سيتم إذاعته عبر برنامج زملكاوي ”
وأوضح مرتضى : ” البيان لا يخص أشرف بن شرقي ، لو رجع الزمالك اهلا وسهلا به ولو مرجعش بتمنى له التوفيق ” .
واسترسل : “هنوري الناس مين المسئول عن المحتوى اللي بيتحذف ويتم بثه ، وبنحترم العقود الموقعه مع الشركه المتحده ، أنا مقاطعتش القناه ، ولكن هي اللي قاطعتني لأسباب سياسيه ، بكره ان شاء الله سنزف خبر مهم جداً جداً يسعد جمهور الزمالك ” .
واكد “مرتضى” :”كل شويه يقولوا بن شرقي في الأهلي ومصطفى فتحي رايح، والأهلي نادي كبير بتاريخه، وأقول تاني بن شرقي لاعب حر ومش عبد، “ايه المشكله بن شرقي يلعب في الأهلي”.
وأستكمل:”اللي بيقول مصطفى فتحي رايح الأهلي، بقول لمسؤولي التعاون السعودي عيب تبقى نادي محترم في دوله محترمه ومدفعتش باقي مستحقات الزمالك في الصفقة وبتقولوا هيروح الاهلي”.
واشار مرتضى :” انا عارف لو مدفعوش لآخر شهر 7 القيد هيتوقف عنهم، ومش عايز ارفع قضيه في الفيفاعلشان خاطر علاقتنا بالسعودية و تركي آل الشيخ اللي ربنا يرجعه بالسلامة من رحلته العلاجية”.
ووجه “مرتضى” حديثة لجماهير الزملك قائلا :”بقول لبعض الجماهير اللي بيقولوا عاوزين حكام أجانب من فضلكم اهمدوا معندكش اي شغلانه إلا أنتم قلقانين، بقولهم فريقك الأول وكسب ماتشات مع فريق كبير، بلاش تمشوا ورا السوشيال ميديا، عندكم فريق كبير ولاعبين على أعلى من مستوى وفرز أول”.
وأختتم: “اللاعبين كان لهم مستحقات بـ 18 مليون، سيتم صرف 10 مليون وكل ماتش له مكافأة تصرف لهم فورا”.
