أبرز تصريحات مرتضى منصور بعد التصالح مع دياب.. رفض الرد على الخطيب وفضح خطته في نهائي الكأس-فيديو
أطلق المستشار مرتضى منصور رئيس نادي الزمالك العديد من التصريحات الهامه، وذلك من خلال أول مداخله هاتفية له عبر قناة الفارس الابيض منذ فترة طويله، ومن أبرزها تصالحه مع أحمد دياب رئيس رابطة الأنديه وفضح مخطط محمود الخطيب لإفساد مراسم تسليم كأس مصر .
وقال مرتضى منصور في مداخله هاتفية بقناة الزمالك:”اطلقت مبادرة للصلح مع الكابتن محمود الخطيب، وحاول المحامي الخاص به انه يحبسني انا اللى حبسته وهتنازله ومستني الرد بتاعه ببيان، فكان الرد ان سيد عبد الحفيظ مدير الكرة بالنادي الأهلي طلع شتمنا، هل هو طلع شتمنا من دماغه في قناة الأهلي طبعا لأ”.
وتابع:”قادر ارد علي سيد عبد الحفيظ وامسح بكرامته الأرض انما انا متفق مع الدولة، وزمان كان فيه خطة بيعملها الخطيب يسلط بعض الأشخاص عليا، ولما اتشتمنا وخالد الغندور بلغني امبارح”.
وأضاف: “كلمت المسئولين في الدولة والشركة المتحدة فقالولي هنعمل تحقيق دلوقتي ولقوا ان عبد الحفيظ بيعمل فتنة كبيرة وبياخد تعليماته من علاء صادق، فالناس المحترمة والدولة اخدت قرار بحذف الفيديو الخاص بسيد عبد الحفيظ من علي كل القنوات التابعة للشركة المتحدة وهو قرار محترم واحنا ارتضينا وقليل الأدب اللي غلط اتربى وشالوا قلة الأدب رموها في الزبالة”.
وشدد منصور:”بعد تصريحات سيد عبد الحفيظ قلت ان الخطيب هيطلع بيان يعتذر ولكن هيعتذر ازاي ومدير النادي طلع غلط في عضو مجلس ادارة محترم اسمه محمد الدماطي، وقرر الخطيب ببث الفيديو الخاص بسيد عبد الحفيظ عبر جميع الحسابات الرسمية للنادي.
واوضح: يبقى هو كده الخطيب اللى مسلط وبيحرض للإساءة للزمالك ومرتضى منصور وتركي ال الشيخ والنادي الاسماعيلي، والخطيب هو اللى متوجه مش عبد الحفيظ وعلاء صادق، انت اتكشفت للدولة خلاص يا خطيب وبقوله اتقى ربنا في بلدك وفي وطنك، وانا مش هرد عليك، والدولة اللى هترد عليك”.
وأكد مرتضى:”الشركة المتحدة للخدمات الاعلامية اخذت قرار سريع بمنع سيد عبد الحفيظ من الظهور في جميع قنواتها وانا اشكرها علي قرارها”.
وتابع:”صفحات الأهلي اللى بتشتم وتسئ وتطاول علي تركي ال الشيخ او الوداد المغربي أو سالم الشامسي أو السعودي يبقى الخطيب اللى محرضها، والدولة خلاص كشفت الخطيب علي حقيقته”.
واردف: “لست حزين مما حدث ، فهناك تراكمات سابقه ، احنا اتشتمنا ولكن الدوله فيها مؤسسات ، وأنا والخطيب كل تصرفاتنا ومساعدينا تحت عين الدوله و الكل يعلم من يأخذ تعليمات من الخارج ، يوم المباراه الاستاذ العامري فاروق كان موجود وأبلغ المسئولين ان في مشكله بين أحمد دياب ومرتضى منصور ، أحمد دياب أبلغهم مفيش مشكله لأنه عارف ان مرتضى رجل دوله ” .
وواصل مرتضى:”عندما وصلت لحضور مراتسم تسليم الكأس تفاجأت ان العامري فاروق يرفض النزول لارض الملعب معي ، القصه مكانتش أحمد دياب ولكن كانت معي شخصياً ، لو كنت مشيت انت كده بتهين الدوله، الأخ سيد عبد الحفيظ خرج من الممر بتعليمات لأنه ميقدرش يعمل كده الا بموافقه رئيس ناديه”
واكمل:” النائب محمد حلاوة من فيوتشر دعاني على العشاء، وتفاجئت خلال زياتي له، بوجود النائب أحمد دياب الذي اعتذرلي وقالي عاوزين نفتح صفحه جديده وقولت بتسامح، علشان الدولة مش ناقصة مشاكل أنا سامحته وهنبدأ صفحة جديدة مع فيوتشر، أمير مرتضى وأحمد كانوا معي في الاجتماع مع أحمد دياب والرجل بأدب شديد أعتذر والأمر انتهى”.
واسترسل:” بن شرقي وأوناجم اخبروني أنهم يريدون أجازه للتفكير ولو في خير سيعودوا مره اخرى ، هم لاعبون محترمون واتوجه لهم بالشكر، أتوجه بالشكر أيضاً لكلاً من طارق حامد ومحمد ابو جبل على الفتره التي قضوها داخل جدران القلعه البيضاء”.
واشار مرتضى:” ساسي رجل محترم واخبرني ان سبب رحيله انه لم يكن يعلم من هو رئيس النادي ، لم يكن مطمئن على مستقبله ” .
وتطرق في حديثه قائلًا:” انا مادد ايدي لمحمود الخطيب، ورغم اللي حصل بعتبره عبث من عيل، انا مش خايف من الخطيب، خايف على الدولة، ورغم أننا أتشتمنا إلا إنني مستني يرد على مبادرة التصالح، وأتمنى صوت العقل يحكم، أنا مش هارد على الإستفزازت من جانب الأهلي، الخطه اصبحت معروفه يوجه الصفحات وبعض الاشخاص للهجوم علي والاساءة لي، وعاوزني أرد علشان يقول ألحقوني شتمني، وشتم أمي وأختي ولكن انا مش هارد”.
وأختتم: أتوجه بالشكر لجمهور الزمالك العظيم الذي يظهر معدنه وقت الشدائد والكبوات قبل الانتصارات ، انت جمهور عظيم واقول لهم الموسم القادم احلى صفقات بإذن الله ”.
