أبرز تصريحات مرتضى منصور عن تتويج الزمالك بكأس مصر وقراره بشأن طارق وأبوجبل ورسالته للخطيب

اطلق المستشار مرتضى منصور رئيس نادي الزمالك عدة تصريحات هامه، عقب فوز الفارس الابيض ببطولة كأس مصر على حساب الاهلي.

وقال مرتضى منصور في تصريحات بقناة الزمالك: “بشكر ربنا والفوز بالكأس توفيق ربنا وفضل منه الظلم والافترا وحش، انت لما تكون رجل احسن رئيس نادي5 سنين وتلاقي نفسك قاعد في البيت، وتبرعت للزمالك18 مليون ويقولوا عندك مخالفات ماليه، وترجع بفضل ربنا والقضاء والجماهير”.

واضاف: “شكرا المدير الفني المحترم والجهاز المعاون المصري، وامير مرتضى اللي اتظلم وبتقولوا ابن صاحب العزبة سيد عبدالحفيظ مش ابن صاحب العزبه وبياخد على نفوخه كل يوم”.

وتابع:” التحقيق اثبت ان طارق حامد متهرب وكان بيخضع لكشف طبي قبل الانضمام لاتحاد جده السعودي، تم عقابه بخصم 8 مليون جنيه نصف قيمة مستحقات متاخره واتمنى له التوفيق في اتحاد جده”.

واردف منصور :” اما بالنسبة لابوجبل تاكدنا تعاقده مع النصر السعودي وتم خصم2 مليون منه، واشترى3 اسابيع في عقده بقيمة 2 مليون جنيه”.

واوضح: “دخلنا14 مليون جنيه لخزينةالزمالك من الثنائي طارق حامد وابوجبل “علشان في رئيس نادي دكر” بتمنى لهم التوفيق ، وهم اعتذروا رسمي وهذيع هذا الفيديو”.

وشدد:” اللعيبه دي ابطال مش رجاله بس، مين احيا كأس الموسم الماضي لما رجعت للزمالك قالوا الكاس اتلغى وقولت لعامر حسين مش هلعب الجديد الا لما نلعب القديم قبل الجديد”.

وواصل: اخدت دوري وسوبر يد وطائر دوري وكأس من الاهلي
وكسبت الاهلي ف كل البطولات يد وطايره وقدم وخلي احمد شوبير يموت

واكمل مرتضى: “بشكر الجمهور ولاعبينا ابطال وسجلت معهم 7 دقايق قولتلهم احلموا بمكافأت وزياده 50% عليها مش هتبقوا رجاله علشان الفلوس لا علشان هتسعدوا جماهيركم اللي بالملايين في مصر والعرب ودول اوروبا”.

واكد: “قولت انا وكابتن محمود الخطيب في معترك رياضي مش معترك خناقه لكن هو فرح بكأس البلاغات والبيانات وانا بالبطولات، الخطيب مطلع بيان علشان يقول هعمل بيان ويقول هطلع بيان”.

واشار مرتضى:” ليه مبتسالوش الخطيب بتسالوا عن القرض اللي هو اخده، احنا في الخزينة ربع مليار ونقدر نشتري اي لاعب في مصر وخارجها”.

وتطرق في حديثه قائلا: “لاعبو الاهلي وجهازهم الفني محترمين صعدوا استلموا ميداليات المركز الثاني وسلموا عليا وسيد عبدالحفيظ رفض ان يصافحني”.

واختتم:” كنت هضرب سيد عبدالحفيظ في ركبته اكومه على الارض ولكن احترمت مندوب السيد الرئيس كبير اليوران قولت لجمال علام لازم عبدالحفيظ يعاقب بسبب ما فعله”.