تحدث أمير مرتضى منصور المشرف العام على الفريق الأول لكرة القدم في نادي الزمالك على أداء الفريق أمام المقاولون العرب في المباراة التى انتهت لصالح الفارس الأبيض.
وقال “أمير مرتضى” :” الحمدلله فوز مهم بعد أجازة طويلة بقالنا ١٣ يوم مش بنلعب .. اشتغلنا واللاعبين خدت يوم واحد إجازة الحمد لله على المكسب”.
وأشار :”الأداء النهاردة اتحسن شوية عن المباريات اللي فاتت وانا مبسوط من ده .. كلنا واخدين عهد على نفسنا اننا نحارب على كل مباراة ومش هنقول حجج ومبررات”.
وأكد “أمير” :”تيشيرت الزمالك له قوة خاصة بصرف النظر مين اللي موجود، إن شاء الله الماتشات اللي جاية كلها هناخدها من الزاوية دي”.
وأضاف “أمير مرتضى” في تصريحات له عقب المباراة :”اللاعبين الشباب عندنا ثقة فيها واتمنى ان تكون السياسة هي دعم ولادنا من الشباب وإن شاء الله هيبقى ليهم دور كبير من الصفقات الجديدة”.
وفاز الفريق الأول لكرة القدم بنادي الزمالك على نظيره المقاولون العرب بهدف دون رد في اللقاء الذي جمعها على ستاد القاهرة ضمن منافسات الجولة الرابعة والعشرين للدوري الممتاز.
