علق المستشار مرتضى منصور رئيس نادي الزمالك على الأنباء التى ترددت مؤخرًا حول إمكانية انتقال المغربي أشرف بن شرقي جناح الزمالك السابق إلى صفوف الأهلي.
ورحل بن شرقي عن الزمالك بشكل رسمي خلال الفترة الماضية، وسط حديث بعض التقارير الإخبارية عن وجود اتجاه داخل الأهلي بالتعاقد مع اللاعب.
وقال “مرتضى” :”كل شويه يقولوا بن شرقي في الأهلي ومصطفى فتحي رايح، والأهلي نادي كبير بتاريخه، وأقول تاني بن شرقي لاعب حر ومش عبد، وايه المشكله بإن ن شرقي يلعب في الأهلي”.
وأكمل “مرتضى” :”اللي بيقول مصطفى فتحي رايح الأهلي، بقول لمسؤولي التعاون السعودي عيب تبقى نادي محترم في دوله محترمه ومدفعتش باقي مستحقات الزمالك في الصفقة وبتقولوا هيروح الاهلي”.
واوضح “مرتضى” :” انا عارف لو مدفعوش لآخر 7 القيد هيتوقف ومش عايز ارفع قضيه علشان خاطر علاقتنا بالسعودية وركي آل الشيخ اللي ربنا يرجعه بالسلامة من رحلته العلاجية”
ووجه “مرتضى” حديثة لجماهير الزملك قائلا :”بقول لبعض الجماهير اللي بيقولوا عاوزين حكام أجانب من فضلكم اهمدوا معندكش أي شغلانه إلا أنتم قلقانين”.
وأضاف “مرتضى” خلال تصريحات لبرنامج “زملكاوي” على قناة “الزمالك” :”بقولهم فريقك الأول وكسب ماتشات مع فريق كبير، بلاش تمشوا ورا السوشيال ميديا، عندكم فريق كبير ولاعبين على أعلى من مستوى وفرز أول”.
وأعلن رئيس نادي الزمالك عن مفاجأة سارة للاعبين قائلا :”اللاعبين لهم مستحقات بـ 18 مليون، سيتم صرف 10 مليون بكره وكل ماتش له مكافأة تصرف لهم فورا”
