رد الإعلامي خالد الغندور مقدم برنامج زملكاوي بقناة الزمالك على تصريحات سيد عبدالحفيظ مدير الكرة بالاهلي ضده، وتساءل هل يليق بمنصب مدير الكرة في الأحمر أن يشارك في برنامج المقالب الشهير لزامر جلال.
وكان سيد عبدالحفيظ قد خرج في تصريحات مسئية ضد خالد الغندور ومرتضى منصور في قناة النادي الأهلي وذلك عقب فوز الأحمر على الجونة
وقال خالد الغندور في تصريحات ببرنامج زملكاوي عبر قناة الزمالك: “حصل تصريح من مدير الكرة بالنادي المنافس امس واتكلم على شخصي وذكرني بالاسم احنا اكبر من الكلام ده بكتير”.
واضاف:”مدير الكرة قال كلمتين مهمين جدا قال مش انا اللي اتشتم باهلي واطلع اعتذر لسيادة المستشار، معنى الكلام ان المستشار مرتضى بيشتمني باهلي وده عمره ما حصل ولازم اعتذرله علشان السبوبه”.
وشدد الغندور: كابتن ثابت البطل كان لايقبل ان يكون متواجد في برنامح رامز جلال ويتقلب على الكرسي في الهوا وهو في منصب مدير الكرة بالنادي الاهلي”.
وارف الغندور:” تفتكروا اروح برنامج رامزجلال علشان ايه؟ وهو عارف انه مقلب علشان الكرامة؟؟ علشان الماده؟ الحلقه كانت مهينه لمدير الكرة بالاهلي المسئول عن عدد كبير من اللاعبين، انا روحت برنامج رامز جلال من9 سنين وبوظت الحلقه”.
واكد: “شاهدت لقاء له مع المستشار مرتضى ايام محمود طاهر وهو يسبني،ويهاجم الاهلي ولم يتكلم”.
واشار:”بالنسبة لواقعة الممر الشرفي مدير الكرة بيقول دي مبادئ الاهلي، وياما كسبنا ومحدش عملنا ممر، عاوز اقوله اللي بيكسب هو اللي بيعمل ممر مش الخسران، الزمالك معملش الممر من دماغه، ده برتوكول متفق عليه قبل اللقاء وتم الاتفاق الفريق الفائز هيقوم بعمل ممر”.
وتساءل: هل سيد عبدالحفيظ متواجد بصفته الشخصية ام بيمثل نادي كبير، وبيعمل ده بناء على قرارات مجلس ادارة لوقيم ومبادئ الاهلي لاتسمح بدخول الممر يبقى لاعبية الاهلي معندهاش قيم ومبادئ، ويأما الكل يدخل هنا لاما لا، معنى عدم دخوله ان مفيش مجلس ادارة مسيطر،مايحدث بيكون تابع لقرارت مجلس ادارة لان بتتعامل كمدير كره ماحدث امر شخصي بعيد عن الادارة”.
واردف الغندور:”مدير الكرة لايصرح الا اذا كان كسبان يطلع بعد مباراة بيراميدز بالكاس وهو منتشي بالفوز ويعلق على كلام المستشار مرتضى ويقول ده راي فاسد وكان بيجر شكل رئيس الزمالك وبتكلم ليه بعدها هزيمه من سموحه لم يتكلم امبارح فاز علئ الجونة واتكلم”.
اختتم: نختلف في كرة القدم دون الاساء، قول واتريق على الزمالك وقول انه اتحسب له ضربات جزاء، و اتكلم في الكرة والحكام وعلى جهاد جريشه وهتمسح رقمه اتكلم وهاجم واضغط على الاحكام وانطرد كل ماتش بسبب تهجمك،طبيعي ومنطقي واحد عنده ضغط بعد خسارة من الزمالك عاوز يقول ويبعبع من حقه نسمعه”.
