وجه المستشار مرتضى منصور رئيس نادي الزمالك رساله ناريه لمحمود الخطيب رئيس الاهلي بعد الفوز ببطولة كأس مصر.
وقال مرتضى منصور في تصريحات بقناة الزمالك:” اللعيبه دي ابطال مش رجاله بس، مين اعاد كأس الموسم الماضي؟ لما رجعت للزمالك قالوا الكاس اتلغى، وقولت لعامر حسين مش هلعب الجديد الا لما نلعب القديم قبل الجديد”.
واضاف:”اخدت دوري وسوبر يد وطائرة دوري وكأس من الاهلي والكأس في القدم وكسبت الاهلي في كل البطولات يد وطايره وقدم، وخلي احمد شوبير يموت.
وتابع مرتضى: “بشكر الجمهور، ولاعبينا ابطال وسجلت معهم 7 دقايق قولتلهم احلموا بمكافأت وزياده 50% عليها، مش هتبقوا رجاله علشان الفلوس، لا علشان هتسعدوا جماهيركم اللي بالملايين في مصر والعرب وكل دول العالم”.
وشدد: قولت انا وكابتن محمود الخطيب في معترك رياضي مش معترك خناقه، لكن هو فرح بكأس البلاغات والبيانات وانا بالبطولات”.
وواصل مرتضى: “الخطيب مطلع بيان علشان يقول هعمل بيان”.
واختتم:” ليه مبتسالوش الخطيب بتسالوا عن القرض اللي هو اخده، احنا في الخزينة ربع مليار ونقدر نشتري اي لاعب في مصر وخارجها”.
