حرص الإعلامي سيف زاهر على الإشادة بمجلس إدارة الزمالك بسبب تعامله في ملف التجديد للاعبين المنتهيه عقودهم، ووجه رساله ناريه لمحمد ابوجبل حارس مرمى الفريق.
وقال سيف زاهر في تصريحات ببرنامج ملعب اون تايم عبر قناة اون تايم سبورتس: الزمالك لديه مباراة تاريخيه ومصيريه امام المحله، اهم 3 نقاط في مشوار الزمالك وهذه المباريات مواجهات كؤوس.
واضاف: “الحقيقه ادارة الزمالك مافعلته في ملف التعاقدات اعظم شئ من سنين خلص نفسك، بن شرقي قال بالبلدي كده اتعشت وماشي هنكرمك، هتقعد لماتش ايه؟، طارق هتعمل ايه؟ شكرا مش عاوزين اصلا ربنا يوفقك، نخلص التحقيق ونشوف عليك ايه ولك ايه”،
وتابع: ابوجبل كان عندي وجهة، هو حارس كبير واكن له كل الاحترام وجهت له عدة رسائل وكان بياخدها انتقاد لكن والله ابدا، ابوجبل لو كان جدد للزمالك وخرج لاي نادي اخر او دوري سعودي كان هيطلع من الباب الكبير، ماحدث مش حلو لحارس كبير يتقال له بنفسخ معك خد الفلوس اللي اخدتها ونفسخ يالتراضي ويقول لا عاوز الباقي، ويقولوا له مستواك تذبذب”.
واردف زاهر:” الزمالك وادارته فين؟ على الهرم فوق ، انا من الاول قولت شكرا واتفقت مع حراس، اللي في ضهره الزمالك وجمهوره ضهره صلب، كان افضل لابوجبل يحط الزمالك في ضهره.
واشار: “ادارة الزمالك مبيفرقش معها رحيل اي لاعب طلعوا كهربا في عزه ومصطفى فتحي،كنت تطلع من الباب الكبير قولنا الكلام كتير، ساسي خرج من الزمالك من الملعب راح له سعر
،فين ابوجبل النادي اللي اتفق معه شافوا ان مستواه نزل وجابوا حارس، قالوا له خد المقدم قالهم لا عاوز العقد كامل ده مش حلو لامكانياتك ووضعك، كنت اخرج من الباب الكبير شغل مخك”.
واوضح سيف: “جمهور الزمالك حلم بالدوري خلاص، ودخل الجيم بعدما كان بيقولمفيش قيد، دلوقتي الفريق بينافس دوري وكاس جديد وقديم وبطولة والدوري في الملعب ومع الاهلي كفت بكتف”.
اختتم:”جمهور الزمالك عامل استقبال تاريخي لفرقته في كفر الشيخ وده بيعطي دفعه معنويه للاعبين قبل ماتش المحله”.
