علق الإعلامى عمرو أديب، على فوز نادي بيراميدز على النادي الأهلي بهدفين للاشئ، قائلًا: “يا روحي ويا عيني على الأهلي يارب يفضل على كدا تمام”
مضيفًا: “هيجرا ايه تاني يارب لو الأهلي فضل مغلوب على طول مش هيجرى حاجة ولا هنصحى بكره نلاقي البنزين رخص”.
وقال “أديب” في خلال تقديمه لبرنامجه “الحكاية” على فضائية “إم بي سي مصر”: “برشلونة وريال مدريد بيتغلبوا والأهلي اتغلب النهاردة يبقى فلة شمعة منورة، وهدف بيراميدز الأول كان تحفة” وتابع قائلا: “يارب يا حنان يا منان الأهلي يفضل في التمام والزمالك ياخد الدوري بأذن الله”.
وأكد “عمرو” : “هزيمة الأهلي في مصلحة بيراميدز والزمالك وفيوتشر ومش في مصلحة الأهلي، ومبروك للزمالك فوزه النهارده على المحلة ولولا الحارس محمد عواد كان الزمالك هيبقى عنده نتيجة تانية خالص”.
وشدد “عمرو” :”عواد عمل ماتش عالمي وبن شرقي لما يمشي هنفتقد اللمسة الذهبية والزمالك عمل أداء عظيم كان جمهور الزمالك وكان جمهور جبار وابتدينا نحس بالجماهير في الاستاد”.
وأردف “أديب”: “بعد المباراة دي هنتكلم عن دوري آخر.. ودي حاجة كويسة، السنادي حاجة مختلفة خالص، يا نهار أبيض”، موجها التهنئة لنادي بيراميدز بعد فوزه على النادي الأهلي.
وأختتم “عمرو” :”جمهور الزمالك كان جمهور جبار، ومساندًا ورجعنا نحس تاني بالجماهير في المدرجات “.
شاهد:
