عمرو اديب: الأهلاويه أول يخسروا يقولك الروح الرياضية ولما يكسبوا يشربونا المُر
تعجب الاعلامي عمرو اديب من افعال الاهلاويه عقب خسارتهم من الزمالك امس في نهائي الكأس ورفضهم احتفالات جمهور الفارس الابيض.
وقال عمرو اديب في تصريحات ببرنامج الحكاية عبر قناة ام بي سي مصر: “لما شاب في الناشئين يسال سيد عبدالحفيظ لما حد يعملي ممر شرفي وانا خسران اعمل ايه؟، هتقوله امشي بره ومتسلمش ومتعملش لا ياسيد كده غلط لازم اتحاد الكرة يعاقبه ويعمله غرامه”.
واضاف:” الاهلي مش على راسه ريشه سيد غلط، ولازم يعتذر طبعا اللي بقوله فوق الكيان انت بتكلم مدير الكرة في الكيان، على فكرة المفروض انت نادي المبادئ ده المبدا اللي بتعمله للناس سيد اعرف ازاي تخسر”.
وتابع اديب:” النقطه الـ3 الاهلي يكسب الزمالك في اي وقت لازم احنا زملكاويه نشرب المُر طول الليل، الاهلاويه عاوزين ايه اول لمايخسروا يروحوا عاملين تريند الروح الرياضبة، طيب مش هحفل شويه، لا متقربليش ولاتجيب سيره الاهلي كسبت اسكت واسكت ليه امبارح وضح مصر فيها رملكاويه كتير اوي”.
وواصل: “يقولك لا خلاص الروح الرياضيه انا عملت ايه انا بحتفل انا بتبسط وفرحان، وكسبنا بشرف وانتم لعبتوا بشرف واحلى من الشرف مفيش ليه انتم bad looser”.
واختتم:” الاهلي دخل يدرب النهارده الجمهور شتمه قفل التدريب في ايه برشلونه اتمسح به الارض والريال ايه المشكله”.
