ناشد أحمد حسام ميدو بضرورة وضع سقف خاص لرواتب اللاعبين في مصر، موجها طلبا خاصا من مسؤولي الأندية ورابطة الأندية.
قال ميدو في تصريحاته عبر برنامج الريمونتادا على قناة المحور: “لابد من وجود سقف خاص لرواتب اللاعبين في مصر، وأطالب رابطة الأندية بوضع قوانين خاصة بذلك”
وأضاف: “هل يرضي ربنا في لاعيبة محترفين بتاخد مليون ونص دولار وبعد ما يسيب مصر ياخد 200 ألف يورو”
وواصل حديثه قائلا: “أجوجو الله يرحمه كان لاعب بيلعب درجة تالتة في إنجلترا كان بيتقاضى 4000 إسترليني في الأسبوع ونادي الزمالك جابه اداله مليون دولار، لو الأندية بتاعتنا أندية خاصة وبتطلع من جيب المسؤولين، هل كنتوا هتدفعوا الفلوس دي بالبذخ ده، في جزء كبير من اللاعيبة المصريين ميستحقوش الأرقام اللي بتدفع فيهم”
كما هاجم أحمد حسام ميدو مسؤولي الأندية الذين يدفعون رواتب ضخمة للاعبين، رغم إمكانياتهم المحدودة.
وقال ميدو : “لاعيب بيبقى واخد في نادي مليون جنيه، فجأة بياخد في مصر 17 أو 18 مليون، الطفرة دي هتخليه يجيله هزة وخبل مهما كان اسمه هزة تساهم في تراجع مستواه”
أضاف: “فلوس الأندية اللي مش خاصة الفلوس دي ملك الشعب، لازم جزء من الميزانية يتم تخصيصه لتطوير الناشئين وتطوير اللاعبين، والتطوير مش كلمة وخلاص، لازم يكون في حلول على أرض الواقع”
وختم حديثه قائلا: “في مشكلة في تقييم اللاعيبة في مصر، ومبقاش عندنا لاعيبة كافية في مستويات عالية”
شاهد:
