هاجم الإعلامي مجدي عبدالغني مقدم برامج ملعب البلدوزر عبر قناة الشمس مسئولو الاهلي وذلك بعد بيانهم بالامس عن مقاطعة قناة النادي.
وقال مجدي عبدالغني في تصريحات بقناة الشمس : الأمور تزداد سوء في الوسط الكروي المصري، والحرب بتزداد اشتعالا بسبب ان قناتي الزمالك والاهلي بيردوا على بعض.
واضاف: “ما كان على الدولة أن ترخص للزمالك والاهلي قنوات فضائية إلا في حدود معينة كما يحدث في العالم كله، اللي بيحصل في مصر لبن سمك تمر هندي”.
وشدد عبدالغني:” لازم قنوات الزمالك و الأهلي تكتفي بإذاعة مبارياتها فقط، كفاية لحد كده ولازم نهاية للمهزلة دي، هتسيبوا الدنيا كدا لحد امته؟! انا بحذر اهوه اللهم بلغت اللهم فأشهد”.
واضاف: مفيش نادي في العالم بيبيع مباريات الدوري لقناته، كل واحد بيغني على ليلاه والدنيا هتبقى برزميط اقعدوا وحطوا حدود، الجاي اسوء”.
واردف مجدي: “رايحين في سكة مش صح والبيانات اللي تطلع والناس اللي بتكلم دي سكة مش صح كفاية ، ده عمل ملك وكتابه وده عمل زملكاوي علشان يردوا على بعض، وهنفضل كل واحد راكب دماغه ومحدش عاوز يسمع وعاملين وطنين”.
وتابع: ” الاهلي بيشتكي من قناته اول مره تحصل في التاريخ، قناة عليها شعاره واللوجو الخاص به، وكل اللي فيها منتمين للاهلي من لعيبه ومذيعين وصحفيين وضيوف وبيشتكي منها”.
واختتم: “في النهاية يتضح ان الاهلي مش راضي عن اداء من يديروا قناته علشان عاوز برامج ترد وده يصد وده يرد”.
