فتح الاعلامي عمرو اديب النار على سيد عبدالحفيظ مدير الكرة بالنادي الاهلي، وذلك بعد رفضه العبور من خلال الممر الشرفي الذي اقامة لاعبو الزمالك ابطال الكأس لفريق الاهلي.
وقال عمر اديب في تصريحات ببرنامج الحكاية عبر قناة ام بي سي مصر: ” عندي بعض الملاحظات او الهوامش، الهامش الاول هو حد شاف شيكابالا وهو بيرفع لكاس؟ ايه حاله الهرج والمرج، ليه مفيش ترتيب واضح ويقدر يرفع الكأس بشكل جيد جيد في ايه ، وفجأة الكاميرا من فوق قوي”.
واضاف: “سيد عبدالحفيظ بغضب، ايه اللي انت عملته امبارح ده ياسيد؟، انت مدير كرة بنادي كبير، الحركه دي وانك ممشتش في ممر الشرف ومشيت بره الممر دي حركه بلدي مفيهاش اي اخلاق رياضيه”.
وتابع اديب: “هو جوه ممر الشرفي عاوزين منك ايه؟ هتعدي وسطيه هيسقفوا لك ويحيوك، ابتدينا الحركات الشيك والحلوه”.
وشدد: ” مين هيعاقب سيد عبدالحفيظ لازم تعلم اللعيبه وتكون قدوه، سيد ياسيد انت جواك السواد ده ليه، انت bad looser ، ماتخسر يا اخي في ناس بالاهلي ودي مشكلتهم مبيعرفش يخسر، انا مخسرش انا سيد عبدالحفيظ انا نادي القرن، لا انت لازم تتحلى بالروح الرياضية دي رياضه مش وظيفه”.
وواصل اديب: دي رياضة دي مش وظيفه لازم تكون نموذج وقدوة، لما شاب في قطاع الناشئين يسالك اعمل ايه لما يكون في ممر شرفي امشي ولا لا؟ هتقوله امشي بره لا ياسيد كده غلط”.
واختتم:” لازم الخطيب يعاقب سيد عبدالحفيظ ويوجه له اللوم واتحاد الكره لازم يعاقبه، مينفعش الكلام ده”.
