بالوقائع..إكرامي يفضح كذب إبراهيم سعيد بشأن الأهلي

بالوقائع..إكرامي يفضح كذب إبراهيم سعيد بشأن الأهلي

رد إكرامي الشحات لاعب الاهلي السابق على إدعاءات إبراهيم سعيد بشأن تجديد تعاقده مع الفريق الاحمر خلال فترة لعبه داخله.

وقال إكرامي الشحات في تصريحات ببرنامج اللعيب عبر قناة ام.بي سي مصر:” انا كنت سبب في رحيلك عن الاهلي ليه يا ابراهيم ياسعيد؟”.

واضاف:” الوقت اللي بيكلم عليه مكنش في المبالغ اللي بيقولها 200الف دي مكنتش موجود”.

وتابع إكرامي:”هوضح حصل ايه معه، كنا في غانا وكان ابراهيم سعيد ومحمد جوده المفروض يجددوا عقدهما مع الاهلي، ثابت البطل الله يرحمه قالي اقعد معهم، وشوف قصتهم للتجديد قعدت معهم في غرفتي وليس في غرفته كما يقول”.

وشدد:” المبلغ المعروض كان 75 الف حنيه للتجديد هو بيقول200 الف، ده اي كلام، ومحمد جوده عايش وتساله، ابراهيم طلب100 الف قولتله مش قراري هارجع لصاحب القرار وخلصنا القعده”.

واوضح إكرامي:”قلت لثابت ابراهيم طلب 100 الف جنيه للتجديد قالي لما نرجع القاهرة، ومهمتي انتهت لغاية كده”.

واختتم:”ايه حصل بينه وبين الادارة معرفوش ولاكان في350 الف ولا الارقام دي خالص، جوده وافق وكان التجديد لموسم”.

تعليقات الزوار
close
Share via
Copy link
Powered by Social Snap