أبرز تصريحات مرتضى منصور. أول تعليق منه على الحكم الصادر ضده وحسم صفقات الأجانب ورسالة هامة لجمهور الزمالك

أكد المستشار مرتضى منصور رئيس مجلس إداره نادي الزمالك على أنه لا يوجد أزمه مع الدوله في مسألة الحكم الصادر ضده اليوم ، مؤكداً على انه لن ينجر لمحاولات وجود معارك ضد بلده وانه حسم صفقتين اجانب لتدعيم الفريق واشار الى عدة امور نسردها لكم .

وقال مرتضى في مداخله هاتفية ببرنامج زملكاوي عبر قناة الزمالك :” لايوجد ازمه مع الدوله المصريه تفي ضهرنا سند وعمري ما هكون شوكه ولاباخد اوامر من علاء صادق ولاعندي عيل اخوانجي في النادي، بقول للخطيب لاعاوز تصالح ولاتنازل معاك، و بدأت المعركة بينا لنهاية العمر والعيال اللي بتسلطهم يشتموني ولايهزوا شعره مني، انسى انك تجرجرني لمعركه او نزاع اكون ضد بلدي فيه “.

واضاف:”انا مش فاضيلكم لما افضى اجيلكم ،انا لن اتكلم على حكم قضائي لما يكون في اخطاء في تفتيش قضائي واذا قاضي اخطئ هناك استئناف، واذا اخطئ سلوكيا فهناك تفتيش قضائي”، الدوله خارج هذه المعركة وهيجي الوقت المناسب احكي ازاي الاحكام خرجت وهو نفس القاضي الذي اعطاني براءة هو من حكم اليوم بالحبس شهر “.

وواصل :” لن انجر لبعض العيال الي بيسئوا لي بتحريض الأستاذ محمود السيد ابراهيم الخطيب ورفضت اعتذرلك لأني مأخطأتش ، رقم 2 اطلع قول انك ماخدتش 10 ساعات ولا 263 من تركي وقدم بلاغ ضدك وقولت ودتهم لتحيا مصر
لن يهزني ولن انجر لتجريح في قاضي، ولن يوثر على رئاستي للزمالك وانا بطلب اروح سجن المزرعه لان مجموعي يوديني هناك”.

واكمل”مرتضى” :” تم استلام قناة نادي الزمالك من الشركة المتحدة، بعد اجتماع مع الشركة .. وتم استلام القناة رسمي، سيتم إنشاء شركة الزمالك للإعلام والإعلان بداية من الغد، وأكبر نسبة مشاهدة قناة الزمالك وده تقرير رسمي، وعندنا فلوس نقبض موظفينا ونحصل على الهاي لايت الخاص بالمباريات”.

وأكد :”لا يوجد أزمة مع الدولة المصرية طول عمرنا سند للدولة، وعمرى ما هكون شوكه، ولا باخد أوامر من علاء صادق ولاعندي عيل اخوانجي”

واوضح “مرتضى “:” خلصنا صفقة أجنبية إمبارح والنهارده وقعنا مع صفقة جديدة، ولسه فاضل صفقة أخيرة في ملف الصفقات الأجانب، لن أعلن اسم الصفقات الجديدة، وهناك مندوب من النادي سافر وتم التوقيع مع اللاعب بالفعل واللاعبين المصريين أحسن وأقوى الصفقات جمهور الزمالك ميغلاش عليه حاجه”.

واشار:” عندنا مباراة الاسماعيلي هامه جدًا في الكأس، وكل القرعَة معنا مش القُرعة،انت عاوز 6 نقاط للفوز بالدوري، لوربنا كرمك بماتش فاركو يبقى انت وصلت لكفر الدوار، بعدها الاتحاد في مصر ربنا كرمك احتفل بالدوري، الفريق جاي من بعيد وربنا يوفقنا ويكرم الجماهير المحترمه اللي توحدت”

وتابع مرتضى:” عندنا ماتش مهم مع الاسماعيلي وكل الجمهور يحضر، وعندي فريق رجاله ومدرب محترم ومشرف على الكره سافر خلص صفقتين ورجع ومراحش تنزانيا، بقول للجمهور اطمنوا رئيسكم دكر واسد واللي حصل ده منحه واول لما بلغوني الحكم قولت الحمد لله، بقول لكل الشمتانين لاتشمت في اسد اشمت في فأ رولما الاسود تخرج من القفص هتلتهم الكل”.

واسترسل مرتضى: “جمهور الزمالك فوق دماغي انا لم اتعرض لعرض اخته انا بتكلم على واحده ماتت في السجن وانت بتقول اختك عايشه كفايه نتاجر وشعب مصر شكرا”.

وشدد:”النادي المصري اتفرم، الاستاذ محمود السيد ابراهيم الخطيب من ساعة ما هاجم الحكام جبنا له ابراهيم نور الدين والبنا واتحدى الحكم الاجنبي انه يقول ان هدف المصري تسلل وانه يقول ان ضربة جزاء الاهلي حقيقيه وهو شرب شاي بالياسمين، هدف المصري لاعب الاهلي هو اللي جابه فين التسلل، الكل خايفين من الخطيب وعاوزين نرضيه ومنزعلوش باي شكل”.

واردف:”محمد عثمان محامي الخطيب عنده استئناف يوم17/9 وقال الخبر قبل ما ينطقه القاضي بحبسي شهر، هننظر وهشوف هو واخد سنه سجن، جالي رساله من قطر ان الاسطورة محمود الخطيب يستحق الدعم والمصالحه هتتم بعد حبسك حولت مليون ونص دولار على حسابه للمجله، انا مبكلمش علشان محرجش الدوله بس ارسلتها لاجهزة الدولة”.

واختتم:” من يتقي ربنا يجعل له مخرجا، وبشكر ربنا لان عارف الحكم جاي منين، مش انا اخدت شهر النهارده من المحكمة الاقتصاديه، انا ابن اختي رئيس المحكمة الاقتصاديه، وده يدل انه مرتضى بيحترم القضاء”.