اطلق المستشار مرتضى منصور رئيس الزمالك العديد من التصريحات الهامه التي تخص الزمالك والجماهير والغاء حكم حبسه في قضية سب وقذف محمود الخطيب وهاجم إبراهيم سعيد وأحمد شوبير وسيد عبدالحفيظ وذلك خلال تصريحات تليفزيونيه بقناة الزمالك.
ويسرد لكم موقع “زمالك نيوز” ابرز ماجاء على لسان رئيس نادي للزمالك في السطور التالية:
وقال مرتضى منصور في مداخله هاتفية ببرنامج زملكاوي عبر قناة الزمالك:” صباح الخير لجمهور الزمالك في كل مكان بالعالم،
بكره ولادنا الجماهير العظيمه تيجي تصلي الجمعه في ملعب الناشئين، وبعدها يتوجهوا للاسكندريه لمؤازره الفريق ويجدوا الوجبات والمياه ومش بنجبي عليهم، ان شاء الله نفوز بمباراة فاركو وبعدها الاتحاد ويتوج ببطولة الدوري العام المصري”.
وتابع مرتضى: “الولد علاء صادق طالع بيقول الحكم ضيع علينا الوقت بـ6 ثواني، انت معرفتش تجيب هدف في 90 وهتحيب هدف في 6 ثواني وبتهاجموا الصباحي والحكام وهك اهلاويه، لازم الناس تعرف ان مرتضى الف كتاب قانون اكبر موسوعة قضائية اخدت جائزة الدوله بسببه الكتاب ده موجود في كل مكتبه لمحامي ووكيل نيابه”.
وشدد:”دايما اقول اني لست فوق القانون ورغم استفزازات “حنفى” واللى معاه، وقانون الإجراءات الجنائية رقم 50 لسنة 50 في الباب الاول منه يحدد اختصاصات المحاكم الجنائية،تم تقديم بلاغين ضدى إحداهما في نيابة العجوزة والاخر في النيابة الإقتصادية والتى حكمت في اول درجة منها بسنه حبس، حينما ذهبنا للاستئناف في جنح العجوزة اخدت حكم ١٠ الالف جنية غرامة وتم تأييد الحكم”.
واردف مرتضى:” في المحكمة الاقتصادية اخدت سنه ثم شهر ولدينا هنا محكمتين مختلفتين واحنا روحنا للمحكمة الاقتصادية بسبب انها بتتكلم عن التصنت وتنظيم الاتصالات، محكمة النقض اقرت انه في حال وجود جرائم السب والقذف وحكم يختص بتنظيم الاتصالات مثلا في هذة الحالة تكون محكمة العقوبات هى المختصة والتى هنا هى محكمة العجوزة، القاضي في المحكمة الإقتصادية عاقبني بجريمة السب والقذف على اعتبار انها الجريمة الاكبر في القضية”.
واوضح:”اقول ل شوبير “انا مش فوق القانون” انت اللى فوق القانون وبتبرتع في مصر انا مختش من ترك ال شيخ ساعات او عمولة في صفقة صلاح محسن، المحكمة المختصة “العجوزة” اعطني حكم ١٠ الالف جنية غرامة والمحكمة غير المختصة “الاقتصادية” اعطنى سنه ثم شهر ، والقانون هنا ينص على وقف السير في الدعوة “اي ان الدعوة ليست موجودة اصلا” والذي سيحكم على ذلك هى المحكمة الجنائية وتمت بذلك بالفعل”.
واكمل مرتضى:”هناك مغالطات في حيثيات الحكم تتعلق بتاريخ واقعة السب والقذف من يوم ١١ إلي يوم ١٣ كما ان الخطيب لم يتقدم بنفسة بالبلاغ نفسة الخاص بالقضية وهناك ملاحظات كثيرة مكانها محكمة النقض،واقسم بالله لو انا مدان في هذا الحكم كنت قدمت نفسي للعدالة لانى معنديش ازمة واتحبست قبل كده كتير ونحن في دولة قانون، تم تقديم ٢٥ سبب للنقض في الحكم وهو ما يعزز موقفنا في القضية ومتاكد ان في مصر قضاة شرفاء، في الغالب المحامي الذي يقدم سببين للنقض يقول “محدش قدى” احنا عندنا ٢٥ سبب للنقض”.
واشار:” وبقول لابراهيم سعيد انا انتشلتك من النادي الأهلي وبقوله من فضلك انا اللى جبتك الزمالك ودفعتلك ٦٠٠ الف جنية من جيبي لان كمال درويش مكنش بيحبك، وبفكرك في مباراة مع فريق مغربي واتغلبنا هناك ٢ صفر وهنا ٣ وانت جلت جون في نفسك”.
وواصل مرتضى:”احنا عملنا خناقة مع كل الدنيا علشانك يا ابراهيم وانت طلبت منى انك تشتغل مدرب قولتلك ابدا بقطاع الناشئن وبقولك صفي نفسك وملكش دعوة بالزمالك بقول لابراهيم سعيد اوعى اقارن نفسك بمحمود علاء الهداف التاريخي للمدافعين في الزمالك واعتقد انه متجوز واحدة بس”.
واكد:”شفت الغرور بتاع سيد عبد الحفيظ .. سيد عبد الحفيظ احد اسباب فشل الاهلي حتى الآن بسبب تكرار إيقافه فاكر ياخطيب لما قولتلك كهربا ده هديتي ليك، بقول لكهربا نسيت لما كنت بروح معاك المحكمة اترافع لاخوك علشان يخرج ومختش فلوس، لو الأهلي بيحبك يدفعولك ولو متفعتش هتقعظ في البيت، عندهم مشكلة في كهربا لو دفع فية قضية اموال عامة لانهم اعترفوا انهم ملهمش علاقة بقضية كهربا،لو مدفعوش كهربا هيطلع يفضحهم”.
واسترسل مرتضى:”لما وديت كهربا السعودية سنتين مسك فلوس وركب احدث عربية وكان في المنتخب ومتالق وكسبنا من وراه اكتر من ١٠٠ مليون وكنت جايبة من إنبي ب ٧ مليون اصلا، مفيش حد مشي من عندنا وراح الاهلي وربنا كرمة وده لان الزمالك “رئيسه طيب” والناس اللى بتقولى عليا سباب اقولك محامي الخطيب قال عليا ايه”.
وتطرق في حديثه قائلًا:”امير ظابط محترم اتربي في بيته.. سيد عبد الحفيظ بياخد ٢٥٠ الف ويطلع يطنطط ويزعق في الحكام لكن امير متربي وشبعان في بيته وهو و احمد بيقدموا للناس دى، وقولت قبل ذلك اتحداه يذهب قريته ويعمل فيديو من هناك، بقول للعيال اللى بتشتم انتوا مين ومتسالين ليه تشتموا في مجدي عبد الغني و مصطفى يونس و رموز الأهلي”.
و استكمل مرتضى:”عبد الناصر زيدان باعتلى رسالة النهاردة وبقولة انا راجل بسامح وبطلب منك ملكش دعوة بالزمالك وبكيان النادي وتجيب عيل شمام تعمل معاه حوار، وبلاش تضرب إشاعات علشان تعنل تريند اديت تعليمات ان كل القضايا اللى ضدك يتم التنازل عنها “٨ قضايا بمجموع ١٦ سنه حكم” وبلاش تيجي تبوس راسي والكلام ده، بقول ل ابو المعاطي وحياة امي مش هسيبك”.
واضاف:”الصباحي معروف انه أهلاوي مش بيحب الزمالك،مش عارف نجبلهم حكام منين، والله العظيم ياجمهور الاهلي المحترم اللى تاريخة محترم النادي الاهلي لم يرى في ناريخية زى الايام السودة دى بلاغات وبيانات على الناس كلها ومش مركزين في شغلهم، الأهلي سنتين من غير دوري او كاس في اي لعبة،اللجان بشتم في الحكام فيه كلام، هل ده اهلي صالح سليم والرموز دى؟،الخطيب رافض يواجه عيوبة وانا حاليا اتعلمت من اخطائي لكن هو كل شوية اى ومرتضى خبطني في عيني ومش عارف ايه قولت نبدا صفحة جديدة قالوا لا،انت خريج معهد إعدادية وهل هتحاسبنا كلنا او ترازي فيها وهل مش عايز حد يتكلم”
واختتم مرتضى:”روح شوف اعضاء الأهلي في حالة ثوران بسبب غلاء الأسعار وعايزيت البلد تهدى ومش عايزين البلد تولع لان الرئيس مش فاضي لينا وعنده مشاكل كتير،بقول للخطيب خليك في حالك واحنا في حالنا واهتم بالفريق عندك وبالجمعية العمومية وانت مشترك في تحريض الصفحات ضدى بقول لشوبير هبة وحنان ولمياء فوق الجميع هما واي مواطن مصري”.
